မိုင်းဖုန်းဆရာတော် ဝိဇာတမွေးနေ့ပွဲကို ၆ ရက်ကျင်းပမည်
မိုင်းဖုန်းဆရာတော်၏ သက်တော် ၆၁နှစ်ပြည့် ဝိဇာတမွေးနေ့ပွဲကို ၆ ရက်ကျင်းပမည်ဖြစ်ကြောင်း ပွဲတော်ကျင်းပရေးအဖွဲ့ထံမှ သိရသည်။
ယင်း ဝိဇာတမွေးနေ့ပွဲကို ၂၀၂၅ ခုနှစ်၊ ဇန်နဝါရီလ ၁ ရက်မှ ၆ ရက်အထိ ကျင်းပပြုလုပ်သွားမည် ဖြစ်ကာ ဝိဇာတမွေးနေ့ ရက်များအတွင်း အနယ်နယ်အရပ်ရပ်က မွေးနေ့ပွဲလာ ပရိတ်သတ်များအတွက် စတုဒီသာ စားသောက်စရာများကိုအလှူရှင်များက ဧည့်ခံကျွေးမွေးသွားမည် ဖြစ်ကြောင်း သိရသည်။
ဝိဇာတ မွေးနေ့ပွဲတော်ရက်အတွင်း နေ့စဉ်တရားဓမ္မများကို လွန်လိန်းတရားနယ်မြေရှိ တရားဟောစင်မှ ဇန်နဝါရီ ၁ ရက်နှင့် ၂ ရက်၌ မနက် ၁ဝ နာရီနှင့် ညနေ ၃ နာရီခွဲတရားဟောမည် ဖြစ်သလိူ ဇန်နဝါရီ၃ရက် မနက် ၁၀ နာရီ၌ နှစ်(၇၀)ပူတာအိုစေတီတော်ကို ထီးတော် တင်လှူမည် ဖြစ်ပြီး ညနေ ၃ နာရီခွဲ၌ တရားဟောမည် ဖြစ်ကြောင်း သိရသည်။
ထို့အပြင် ဇန်နဝါရီ ၄ရက် မနက်၌ ဝိဇာတမွေးနေ့မင်္ဂလာ ကျင်းပပြုလုပ်မည်ဖြစ်ပြီး ညနေ ၃ နာရီ၌ တရားဟောမည် ဖြစ်ကာ ဇန်နဝါရီ ၅ ရက်နေ့၌ ဆရာတော်ကြီး ဝစိပိတ်အဓိဌာန်ဝင်မည်
ဖြစ်ပြီး ၆ ရက်နေ့၌ လွန်းလိုင်းဓမ္မာရုံကြီးတွင် မွေးနေ့ပွဲအလှူကို ရေစက်ချအမျှဝေ သာဓုအနုမောဒနာ ခေါ်တော်မူမည်ဟု သိရသည်။
