တရုတ်မှာ ဖုန်း မလိုဘဲ လက်ဖဝါးနဲ့ ငွေပေးချေနိုင်ပြီ
=============================
ဒီနေ့ခေတ်မှာ မိုဘိုင်းဖုန်း ကနေ လွယ်ကူစွာ ငွေပေးချေနိုင်တဲ့ နည်းပညာတွေ ထွက်ပေါ်လာနေပါပြီ။ ဒါပေမယ့် တရုတ်ရဲ့ နည်းပညာက ဒီထက်ပိုမိုက်ပါတယ်။
တရုတ်မှာ ဖုန်း မလိုဘဲ လက်ဖဝါးနဲ့ ငွေပေးချေတဲ့ စနစ်ကို နည်းပညာ ကုမ္ပဏီကြီး Tencent က ဖန်တီးပေးလိုက်ပါတယ်။ Weixin Palm Payment လို့ နာမည်ပေးထားပါတယ်။ ဒီနည်းပညာမှာ လက်ဖဝါးရဲ့ လက်ဗွေရာနဲ့ သွေးကြော Patterns တွေကို အနီအောက်ရောင်ခြည် ကင်မရာကို အသုံးပြုကာ Scan ဖတ်တာ ဖြစ်ပြီး စက္ကန့်ပိုင်းအတွင်း ငွေပေးချေနိုင်ပါတယ်။ ဒီစနစ်ဟာ Facial Recognition ထက် ပိုမို ကောင်းမွန်ပြီး အမွှာတွေတောင် လက္ခဏာ မတူညီတဲ့အတွက် လိမ်လည်လို့ မရပါဘူး။
ဘေဂျင်းရဲ့ ရထားတွေမှာ အဲဒီ လက်ဖဝါးနဲ့ ငွေပေးချေတဲ့ စနစ်ကို စတင် အသုံးပြုနေပြီ ဖြစ်ပြီး ရထား စီးခ အတွက် ငွေပေးချေတဲ့ ကဒ်နဲ့ စမတ်ဖုန်းတွေ မလိုအပ်တော့ပါဘူး။
အနာဂတ်မှာတော့ လက်ဖဝါးနဲ့ ငွေပေးချေတဲ့ နည်းပညာကို ကမ္ဘာအဝန်းမှာ တွင်တွင်ကျယ်ကျယ် အသုံးပြုလာကြတော့မယ်လို့ ထင်ရပါတယ်။
Ref : The Verge
Digital Times
