သမ္မတကို စွပ်စွဲပြစ်တင်မှုမတိုင်မီ တောင်ကိုရီးယားလွှတ်တော်ရှေ့မှာ လူထောင်ပေါင်းများစွာ စုဝေး

ဒီဇင်ဘာ ၁၄

စစ်အုပ်ချုပ်ရေးအမိန့် ထုတ်ပြန်ခဲ့မိတဲ့ တောင်ကိုရီးယားသမ္မတ ယွန်းဆွတ်ခ်ဆိုးလ်ကို စွပ်စွဲပြစ်တင်ဖြုတ်ချဖို့ လွှတ်တော်အမတ်တွေက ဒီကနေ့ပြင်ဆင်နေချိန်မှ ထောင်နဲ့ချီတဲ့ တောင်ကိုရီးယားပြည်သူတွေဟာ လွှတ်တော်ပြင်ပမှာ စုဝေးရောက်ရှိနေပါတယ်။

ဒါအပြင် မြို့တော်ဆိုးလ်ရဲ့ အဓိကရင်ပြင်နဲ့ Gwanghwamun တို့မှာတော့ သမ္မတကိုထောက်ခံကြောင်း၊ စွပ်စွဲပြစ်တင်မှုကို ရှုတ်ချပြီး အတိုက်အခံခေါင်းဆောင် လီဂျေးမြောင်ကို ဖမ်းဆီးဖို့ သမ္မတထောက်ခံသူတွေက စုဝေးတောင်းဆိုမှုတွေရှိနေပါတယ်။

သမ္မတအပေါ် ပြီးခဲ့တဲ့ သီတင်းပတ်က စွပ်စွဲပြစ်တင်မှုဟာ ပွတ်ကာသီကာ ရှုံးနိမ့်သွားတာကြောင့် ဒါဟာ ဒုတိယအကြိမ်ဖြစ်ပြီး ယွန်းခ်ဆွတ်ခ်ယိုးလ်ကတော့ ရာထူးကဆင်းပေးဖို့ တေုာင်းဆိုချက်တွေကို ပယ်ချထားပါတယ်။

သူရာထူကမဆင်းမချင်း စနေနေ့တိုင်း စွပ်စွဲပြစ်တင်မှုအဆိုတင်သွင်းနေမယ်လို့ အတိုက်အခံလွှတ်တော်အမတ်တွေက ပြောဆိုထားပြီး အဆိုအောင်မြင်ဖို့အတွက် လွှတ်တော်အမတ်တွေရဲ့ သုံးပုံနှစ်ပုံ ထောက်ခံမှုရရှိဖို့လိုအပ်ပါတယ်။

ဒီတခါ စွပ်စွဲပြစ်တင်တဲ့အဆိုကတော့ အောင်မြင်နိုင်ခြေရှိတယ်လို့ နိုင်ငံရေး အကဲခတ်တွေက သုံးသပ်ထားပါတယ်။

တောင်ကိုရီးယားလွှတ်တော် အမတ် ၃၀၀ မှာ ထောက်ခံမှု ၂၀၀ ပြည့်ဖို့အတွက် အာဏာရပါတီက လွှတ်တော်အမတ်ရှစ်ယောက်ကပါ ထောက်ခံဖို့ လိုအပ်နေပါတယ်။ လက်ရှိမှာတော့ သမ္မတယွန်းဆွတ်ခ်ယိုးလ်နဲ့ အနီးကပ်မဟာမိတ်တွေဟာ ဖမ်းဆီးမှုနဲ့ စုံစမ်းစစ်ဆေးမှုတွေ ခံနေရပြီး အများစုကိုတော့ နိုင်ငံတွင်းကနေ ထွက်ခွာခွင့် တားမြစ်ထားပါတယ်။

သမ္မတယွန်းဆွတ်ခ်ယိုးလ်ကတော့ စစ်အုပ်ချုပ်ရေးကြေညာခဲ့တာကြောင့် ပြည်သူတွေရဲ့ အဆင်မပြေမှုတွေအတွက် တောင်းပန်ထားပေမယ့် ဒီကိစ္စအပေါ် ကာကွယ်ပြောဆိုထားပြီး စွပ်စွဲပြစ်တင်မှုနဲ့ စုံစမ်းစစ်ဆေးမှုတွေကို အဆုံးတိုင်ရင်ဆိုင်သွားမယ်လို့ ပြောဆိုထားပါတယ်။

Ref:BBC
Photo:Reuters

Credit - VOM

#သတင်းဟင်းလေးအိုးကြီး