(Sucide Gamers) လူကောင်းမဟုတ် ကောင်းအောင်နေတဲ့သူ

Phrase(A)
စိတ်အလိုလိုက်မိရင် မှားတတ်တယ်။ စိတ်သာရှင်စော ဘုရားဟောတို့ ဆိုတာ စကားတစ်ရပ်အနေနဲ့ရှိနေတာကို သိနေကြပေမယ့် တစ်ချို့သော သူတွေရဲ့ လက်တွေ့ဘဝထဲမှာတော့ ကျင့်သုံးမှု နည်းပါးလှတာကို တွေ့မြင်ရပါတယ်။
လူတစ်ယောက်ဟာ မိမိရဲ့စိတ်ကို မထိန်းသိမ်းနိုင်မှုကြောင့် အရာရာမှာ အမှားအယွင်းတွေနဲ့ ရင်ဆိုင်ရနိုင်ပါတယ်။

Phrase(
လူကဖန်တီးတဲ့ စိတ် မဟုတ်ပါဘူး။
စိတ်က ဖန်တီးထားကြတဲ့ လူတွေရယ်ပါ။
စိတ်ကြောင့် အရာရာပြောင်းလဲနိုင်တယ်ဆိုပေမယ့် အသိဉာဏ်နဲ့ယှဉ်ကာ ထိန်းချုပ်နိုင်ဖို့ တကယ့်ကို အရေးကြီးလှပါတယ်။ သေနေတဲ့ရေနဲ့ ငြိမ်နေတဲ့လေ သာရှိပေမယ့်လူ/ပုထုဇဉ်တွေ အတွက်တော့ စိတ်တည်ငြိမ်ဖို့က ခက်ခဲလှပါတယ်..
စိတ်အလိုလိုက်ရင်မှားတတ်တယ်။အမှားသိရင် အမှန်ရှိဆိုသလို
မိမိတို့အနေနဲ့ ကောင်းအောင်နေတဲ့သူ ဖြစ်အောင်ကြိုးစားကြရမှာပါ။

Phrase(C)
မိမိစိတ်ကို မိမိနိုင်စေဖို့ ကောင်းတဲ့စိတ်ဖြစ်အောင် မွေးမြူပါ။
စိတ်ကောင်းထားတယ် အကောင်းမြင်တတ်တယ်။
ကြားနေတာတွေ လွဲနေရင်တောင် အကောင်းပဲမြင်အောင်ကြားအောင် ကြိုးစားနိုင်တယ်လောကဓံရဲ့ ပြယုဒ်ကို နားလည်တယ်ဆိုတာ မိမိစိတ်ကို (handle လုပ်နိုင်တယ်) မိမိစိတ်ကိုနိုင်နေပြီဆိုတဲ့ အခြေခံသဘောတရားတစ်ခုပါပဲ။

Phrase(D)
ငါက လူကောင်းမဟုတ်ဘူး ကောင်းအောင်ကြိုးစားနေတဲ့သူ။ကောင်းအောင်ကြိုးစားကြမယ် ဆိုရင်တော့ အဓိက က အတွေးတွေကို အမြဲပြောင်းလဲနေနိုင်အောင်ကြိုးစားရမှာပါ။
တဒင်္ဂဖြစ်တဲ့ အတွေးနဲ့အတူ ဥပမာ အားဖြင့်-(ဒီအရာက ကောင်းတဲ့ အရာ ဒီအရာကတော့ မကောင်းတဲ့အရာတွေ)ဆိုတာကို သိနေ၊ဆင်ခြင်နေဖို့ လိုအပ်တာပါ။မိမိကိုယ်မိမိနဲ့ တစ်ပါးသူကို ဒုက္ခပေးနေတဲ့ အတွေးမျိုး အပြုအမူမျိုးတွေဆိုရင် တွေးမိတယ်ထားပါအုံး ရှောင်ကြဉ်နိုင်ရမှာပါ။

Phrase(E)
စိတ်ရဲ့ သခင်အဖြစ်နေပါ စိတ်ရဲ့ ကျေးကျွန်မဖြစ်ပါစေနဲ့ ။
ထကြွ၊နိုးကြား၊သနား၊သည်းခံ၊ဝေဖန်၊ထောက်ရှု ဆိုတဲ့ နာယကဂုဏ် (၆)ပါးနဲ့ အညီနေထိုင်ပါ။
စိတ်ဆိုတာ လွှင့်မြောတတ်တဲ့သဘောရှိတယ်မိမိရဲ့စိတ်ကို မိမိက ဦးဆောင်ပါ။
(Trauma)တွေကို အတတ်နိုင်ဆုံးလျှော့ချနိုင်ဖို့ တစ်နေ့တာ ဖြတ်သန်းမှုတွေမှာ ဘာတွေလုပ်မယ်ဆိုတာတွေနဲ့ ထိန်းချုပ်ဖြတ်သန်းမှု၊ကိုယ့်အားကိုယ်ကိုးတတ်တဲ့စိတ်၊ချစ်ခင်ရတဲ့သူတွေ၊အစိုးမရတဲ့အရာဝတ္ထုတွေအပေါ်မှီခိုနေတတ်မှုတွေ ကင်းအောင်နေသင့်ပါတယ်။

Phrase(F)
မိမိကိုယ်ကို တန်ဖိုးထားတတ် ချစ်တတ်ပါစေ။
ကိုယ့်ကိုယ်ကို Sucide လုပ်မယ်တွေးတာမျိုးဆိုတာ ထွက်ပေါက်တစ်ရပ်မဟုတ်ပါဘူး။
မိမိရဲ့ စိတ်ကို မိမိက မနိုင်လို့ ရှုံးနိမ့်သွားတာမျိုးရယ်ပါ။ စိတ်အလိုလိုက်မှုသက်သက်ကနေ ဘဝပါတိမ်းပါးသွားစေတဲ့ ကိစ္စရပ် မျိုးလို့ ကောက်ချက်ချနိုင်ပါတယ်။
ဥပမာ-ဘဝဟာ game တစ်ခုဆိုပါစို့ ။စိတ်ကိုမနိုင်တဲ့သူဟာ အခုလည်းဂိမ်းရှုံး သလို
စိတ်ကြောင့် ဆုံးဖြတ်ချက်အမှားတွေချတိုင်းလဲ အလီလီရှုံးနိမ့်နေရမှာပါ။
Sucide လုပ်သွားတဲ့သူကတော့ ရှုံးလွန်းလို့ ကစားပွဲက ထွက်ခွာသွားရတဲ့ သူတွေရယ်ပေါ့။


(ငါသည် လူကောင်းမဟုတ်ပါ ကောင်းအောင်နေသောသူ)

10/Dec/2024
#myspaceadmin
#frankiestories