စပါယ်ရှယ်တောင်အဆင်းတွင် ယာဉ်တစ်စီးဘရိတ်ပေါက်၍ တိမ်းမှောက်ရာ ယာဉ်မောင်းအမျိုးသားတစ်ဦး သေဆုံး
နေပြည်တော်၊ ဒီဇင်ဘာ ၁၀
ကျိုင်းတုံ-တောင်ကြီးလမ်း စပါယ်ရှယ်တောင်အဆင်းတွင် ယာဉ်တစ်စီးဘရိတ်ပေါက်၍ တိမ်းမှောက်ရာ ယာဉ်မောင်းအမျိုးသားတစ်ဦး အခင်းနေရာတွင် သေဆုံးမှုဖြစ်ပွားကြောင်း သိရသည်။
ယနေ့ ဒီဇင်ဘာလ ၁၀ ရက် နံနက် ၈ နာရီအချိန်တွင် ကျိုင်းတုံမှ တောင်ကြီးသို့ ပြန်လာသည့် ယာဉ်မှာ ဘ ရိတ်ပေါက် လမ်းဘေးချိုင့်ထဲသို့ တိမ်းမှောက်ကြောင်း သတင်းရရှိသောကြောင့် ဖြစ်စဉ်နေရာသို့ တိုင်းနေနာ ရေးကူညီမှုအသင်းမှ သွားရောက်ခဲ့ကြောင်း သိရသည်။
“ကားပေါ်မှာ ယာဉ်မောင်းနဲ့ ယာဉ်အကူနှစ်ယောက်ပါလာတာ။ ယာဉ်မောင်းကတော့ အခင်းနေရာမှာ ဆုံးတယ်။ ယာဉ်အကူကတော့ ဘာမှမဖြစ်ဘူး” လို့ တိုင်းနေနာရေးကူညီမှုအသင်းမှ တာဝန်ရှိသူတစ်ဦးက ပြောသည်။
အဆိုပါယာဉ်တိမ်းမှောက်မှုကြောင့် သေဆုံးသည့် အမျိုးသားမှာ အသက်(၅၀) ဝန်းကျင်ရှိပြီး ရုပ်အလောင်းကို ကျိုင်းတုံဆေးရုံသို့ပို့ဆောင်လိုက်ကြောင်း သိရသည်။
Photo - Credit
#centralnewsnaypyitaw
#newvisionmedia
