ငါးတင်ဆောင်လာသည့် ယာဉ်တစ်စီး Gear Box Joint Shaft ပြုတ်ထွက်၍ ယာဉ်တိမ်းမှောက်ရာ သားဖနှစ်ဦး ဒဏ်ရာရ
နေပြည်တော်၊ ဒီဇင်ဘာ ၁၀
ရန်ကုန်တိုင်းဒေသကြီး၊ ကမာရွတ်မြို့နယ်၊ ပြည်လမ်းပေါ်၊ လှည်းတန်းခုံးကျော်တံတား အတက်ချဉ်ကပ်လမ်း (KBZ Bank) အနီးတွင် ငါးတင်ဆောင်လာသည့် ယာဉ်တစ်စီး Gear Box Joint Shaft ပြုတ်ထွက်၍ ယာဉ်တိမ်းမှောက်ရာ သားဖနှစ်ဦး ဒဏ်ရာရရှိခဲ့ကြောင်း သိရသည်။
ဒီဇင်ဘာလ ၉ ရက် နံနက် ၁ နာရီခန့်တွင် ယာဉ်တစ်စီးတိမ်းမှောက်ကြောင်း သတင်းရရှိသောကြောင့် ဒေသခံလူမှုကူညီကယ်ဆယ်ရေးအသင်းများမှ သွားရောက်ကူညီခဲ့ကြောင်း သိရသည်။
“ကားပေါ်မှာ သားဖနှစ်ယောက် ပါလာတာ။ သားဖြစ်တဲ့သူက ခေါင်းပေါက်တယ်။ အဖေဖြစ်တဲ့သူက ပွန်းပဲ့ဒဏ်ရာရတယ်” လို့ Yangon Rescue Organization အသင်းမှ တာဝန်ရှိသူတစ်ဦးက ပြောသည်။
ယာဉ်တိမ်းမှောက်မှုကြောင့် ဒဏ်ရာရရှိသူများကို ဝန်းရံမှူးလူမှုကူညီကယ်ဆယ်ရေးအသင်း (ကြည့်မြင်တိုင်) နှင့် ဝင်းမေတ္တာ လူမှုကူညီရေးအသင်း(ကြည့်မြင်တိုင်) အသင်းတို့မှ အထွေထွေရောဂါကုဆေးရုံသို့ ပို့ဆောင်လိုက်ကြောင်း သိရသည်။
Photo - Credit
#centralnewsnaypyitaw
