ကျူးဘားတွင်ကျင်းပသည့် ကမ္ဘာ့စကိတ်မာရသွန်ပွဲကို စကိတ်သမားရာချီ ပါဝင်ဆင်နွှဲ
ကမ္ဘာတဝန်း ရာချီတဲ့ စကိတ်သမားတွေဟာ စတုတ္ထအကြိမ်ကျင်းပတဲ့ ဟာဗားနား စကိတ်မာရသွန်ပြိုင်ပွဲကို ဒီဇင်ဘာ ၈ ရက်က ပါဝင်ဆင်နွှဲခဲ့ကြပါတယ်။
ဒီပွဲဟာ ကမ္ဘာ့စကိတ်မာရသွန် ၂၀၂၄ ရဲ့ ကြီးကျယ်ခမ်းနားတဲ့ နောက်ဆုံးဗိုလ်လုပွဲလည်း ဖြစ်ပါတယ်။
တရုတ်နိုင်ငံ၊ ရှန်ဟိုင်းမြို့နဲ့ အီတလီနိုင်ငံ၊ ပီစကာရာမြို့တို့က ပြိုင်ပွဲတွေအပြီး နိုဝင်ဘာလက ဟာရီကိန်းမုန်တိုင်းကြောင့် ကျူးဘားနိုင်ငံက ပြိုင်ပွဲကို ရွှေ့ဆိုင်းခဲ့ရတာပါ။
ကမ္ဘာ့အကောင်းဆုံးစကိတ်သမားတွေဟာ ကျူးဘားမြို့တော်ရဲ့ သမိုင်းဝင်ဗဟိုချက်မဖြစ်တဲ့ မာလေကွန် ခြေကျင်လမ်းတလျှောက် ၂၆ ဒသမ ၁ မိုင် ခရီးကို စကိတ်စီးခဲ့ကြပါတယ်။
ပြင်သစ်လူမျိုး Nolan Bediaff နဲ့ အီကွေဒေါနိုင်ငံက Gabriela Vargas တို့လို ထိပ်တန်း စကိတ်စီးသမားတွေ ဝင်ရောက်ယှဉ်ပြိုင်ခဲ့ကြပါတယ်။
ဟာဗားနား ကမ္ဘာ့စကိတ်ပွဲတော်ကို ၂၀၁၉ ခုနှစ်မှာ စတင်ခဲ့ပြီး လာကစားသူအများစုက ကျူးဘားကလေးတွေနဲ့ ဆယ်ကျော်သက်တွေပါ။
ဒီပွဲမှာ အသက်အရွယ်မရွေး စကိတ်သမားတွေ ပါဝင်မှုက ထူးခြားချက် ဖြစ်လာပါတယ်။ မာရသွန်ပြိုင်ပွဲအပြင် စကိတ်စွမ်းရည် ပညာရပ်ဆိုင်ရာ ပြိုင်ပွဲတွေလည်း ပါဝင်ပါတယ်။
DVB
Source : Reuters
