တောင်ကိုရီးယားသမ္မတကို ဖြုတ်ချမယ့် အဆိုရှုံးနိမ့်၊ ကာကွယ်ရေးဝန်ကြီးဟောင်းကို အစိုးရရှေ့နေတွေ ဖမ်းဆီး

ဒီဇင်ဘာ ၈

တောင်ကိုရီးယားမှာ စစ်အုပ်ချုပ်ရေးကြေညာခဲ့တဲ့ သမ္မတ ယွန်းဆွတ်ခ်ယိုးလ်ကို လွှတ်တော်ကနေ စွပ်စွဲပြစ်တင် ဖြုတ်ချဖို့ မဲခွဲမှုဟာ ပွတ်ကာသီကာနဲ့ ရှုံးနိမ့်ခဲ့ပြီး သမ္မတဟာ ဒီအဆိုကနေ လွတ်မြောက်သွားခဲ့ပါတယ်။

မနေ့က ညနေက ပါလီမန်မှာ သမ္မတကို စွပ်စွဲပြစ်တင်မယ့် ဥပဒေကြမ်းဟာ လိုအပ်တဲ့ မဲအရေအတွက် ၂၀၀ ထက် ငါးမဲလျော့နည်းခဲ့ပြီး အာဏာရ ပီပီပီ ပါတီအမတ် ရှစ်ဦးက ထောက်ခံမဲပေးရန် လိုအပ်ပေမယ့် အများအပြားကတော့ ဒီမဲပေးမှုကို သိပိတ်မှောက်ခဲ့ကြပါတယ်။

ဒါပေမယ့်လည်း ယွန်းဆွတ်ခ်ယိုးလ်ဟာ တောင်ကိုရီးယားအတွက် အန္တရာယ်အများဆုံးလို့ပြောဆိုခဲ့ပြီး သူ့ပါတီအနေနဲ့ စွပ်စွဲပြစ်တင်ဖြုတ်ချဖို့ ကြိုးပမ်းမှုတွေကို လက်လျှော့မှာမဟုတ်ဘူးလို့ အတိုက်အခံပါတီ လွှတ်တော်အမတ်တွေက ဆိုပါတယ်။

သမ္မတယွန်းဆွတ်ခ်ဆိုးလ်ဟာ ကွန်မြူနစ်မြောက်ကိုရီးယားရဲ့ ခြိမ်းခြောက်မှုတွေနဲ့ ပြည်တွင်းအဖျက်သမားတွေကို တားဆီးနိုင်ဖို့ဆိုကာ ပြီးခဲ့တဲ့ အင်္ဂါနေ့ညက စစ်အုပ်ချုပ်ရေး အမိန့်ကို ထုတ်ပြန်လိုက်ပြီး နာရီပိုင်းအကြာမှာ ပြည်သူတွေနဲ့ လွှတ်တော်ရဲ့ ကန့်ကွက်မှုကြောင့် ပြန်လည်ဖျက်သိမ်းခဲ့ရပါတယ်။

ဒီကိစ္စနဲ့ပတ်သက်ပြီး ပြည်သူထောင်ပေါင်းများစွာက သမ္မတနုတ်ထွက်ရေး ဆန္ဒပြတောင်းဆိုခဲ့ကြပြီး စစ်အုပ်ချုပ်ရေးအမိန့် ထုတ်ပြန်ခဲ့တာကြောင့် အဆင်မပြေမှုတွေနဲ့ ထိတ်လန့်ခဲ့ရတာတွေအတွက် တောင်းပန်ကြောင်း ယွန်းဆွတ်ခ်ယိုးလ်က ရုပ်မြင်သံကြား မိန့်ခွန်းကနေ တောင်းပန်စကား ဆိုခဲ့ပါတယ်။

ဒီအတောအတွင်း ရာထူးကနေစွန့်သွားရတဲ့ တောင်ကိုရီးယားကာကွယ်ရေးဝန်ကြီး ကင်ယောင်ဟွန်းကို နိုင်ငံတော်သစ္စာဖောက်မှုနဲ့စုံစမ်းစစ်ဆေးဖို့ အစိုးရရှေ့နေတွေ စုံစမ်းစစ်ဆေးဖို့ ဖမ်းဆီးထိန်းသိမ်းထားကြောင်း ယွန်ဟတ်သတင်းဌာနက ဖော်ပြထားပါတယ်။

Ref:BBC
Photo:Getty Images

#centralnewsnaypyitaw