အိန္ဒိယက ချင်း၊ စစ်ကိုင်းနဲ့ နာဂ ဒေသတို့ ဖွံ့ဖြိုးတိုးတက်ရေးအတွက် ဒေါ်လာ (၂၅)သန်း ထပ်မံကူညီဖို့ လုပ် ဆောင်နေတယ်လို့ဆို
ဒီဇင်ဘာ ၇
အိန္ဒိယ - မြန်မာ နယ်စပ် တစ်လျှောက် ချင်းပြည်နယ်၊ စစ်ကိုင်းတိုင်းနဲ့ နာဂကိုယ်ပိုင်အုပ်ချုပ်ခွင့်ရဒေသတို့မှာ အခြေခံအဆောက်အအုံ ဖွံ့ဖြိုးတိုးတက်ရေးနဲ့ လူမှုဘဝဖွံ့ဖြိုးတိုးတက်ရေး စီမံကိန်းများအတွက် အိန္ဒိယက ဒေါ်လာ (၂၅)သန်း ထပ်မံကူညီဖို့ လုပ်ဆောင်နေတယ်လို့ နယ်စပ်ရေးရာဝန်ကြီးဌာနကနေ သိရပါတယ်။
အဲ့ဒီ စီမံကိန်းတွေအတွက် ၂၀၁၂ ခုနှစ် မေလ ၂၈ ရက်နေ့က နားလည်မှုစာချွန်လွှာ လက်မှတ်ရေးထိုးပြီး လမ်း၊ တံတား ဆောက်လုပ်တာတွေ၊ လမ်းအဆင့်မြှင့်တာတွေ၊ ပညာရေး၊ ကျန်းမာရေးတွေအတွက် တစ်နှစ်ကို ဒေါ်လာ (၅)သန်းနှုန်းနဲ့ ငါးနှစ်အတွက် ဒေါ်လာ (၂၅)သန်းကို ကူညီပေးခဲ့ပြီးဖြစ်တယ်လို့ ဆိုပါတယ်။
ပဥ္စမ အကြိမ် စီမံကိန်းတွေထဲမှာ လုပ်ငန်း (၃၈) ခုကို ရာနှုန်းပြည့် အောင်မြင်အောင် အကောင်အထည်ဖော် ဆောင်ရွက်နိုင်ခဲ့တဲ့ ပြီးစီးမှု အထိမ်းအမှတ်အခမ်းအနားကို နေပြည်တော်က နယ်စပ်ရေးရာဝန်ကြီးဌာနရုံးမှာ ဒီဇင်ဘာ ၆ ရက်နေ့က ကျင်းပပြုလုပ်ခဲ့တယ်လို့ သိရပါတယ်။
အိန္ဒိယ က ဒုတိယ အကြိမ် အနေနဲ့ ပဥ္စမ အကြိမ်တုန်းက အတိုင်း အကူအညီ ပေးဖို့အတွက်ကို နှစ်နိုင်ငံ နားလည်းမှုစာချွန်လွှာ (MoU) အသစ် လက်မှတ် ရေးထိုးနိုင်ဖို့ကို စီစဥ်ဆောင်ရွက်နေတယ်လို့ သိရပါတယ်။
ဓာတ်ပုံ - ပဥ္စမအကြိမ် အကူညီနဲ့ စီမံကိန်းလုပ်ငန်းတွေ ပြီးစီးမှု အထိမ်းအမှတ် အခမ်းအနား
#centralnewsnaypyiyaw
