ဝက်ကျောက်ကပ်နဲ့လူ_နေကောင်းသွားပြီ
တလောက နာမည်ကြီးသွားတဲ့ ဝက်ရဲ့ကျောက်ကပ် အစားထိုးကုထားတဲ့ လူနာတော့ သူ့ခန္ဓာကိုယ်က ဝက်ကျောက်ကပ်က ကောင်းကောင်းလက်ခံ အလုပ်လုပ်လို့ နေကောင်းပြီး ဆေးရုံကတောင် ဆင်းသွားပါပြီ။
အမေရိကန် ဘော့စတွန်မြို့က ဟားဗတ်ဆေးကျောင်းရဲ့ အကြီးဆုံး သင်ကြားရေးဆေးရုံဖြစ်တဲ့ မက်ဆာချူးဆက် အထွေထွေဆေးရုံ MGH မှာ ခွဲစိတ်ကုသခဲ့တာ။
လူနာက ၆၂ နှစ်အရွယ် ရစ်ချတ် ရစ် ဆလေမန်တဲ့- ကျောက်ကပ်မကောင်းလို့ အလှူရှင် ရှာနေရာက ၂၀၁၈ မှာ သေဆုံးသွားတဲ့ အလှူရှင်တစ်ယောက်ဆီက လူသားကျောက်ကပ် အစားထိုးခဲ့တယ်၊ ဒါပေမယ့် မနှစ်ကစပြီး အဲဒီကျောက်ကပ် ကောင်းကောင်းအလုပ်မလုပ်တော့ပြန်ဘူး။
ဒီလိုနဲ့ ခုတော့ FDA ရဲ့ အထူးခွင့်ပြုချက်အရ .. အသက်အန္တရာယ်ရှိ နာမကျန်းလူနာတွေအတွက် စမ်းသပ်ကုသခွင့်နဲ့ MGH က ဝက်ကနေ မျိုးဗီဇပြုပြင်ထားတဲ့ ကျောက်ကပ်အစားထိုးကုသမှုကို ပထမဆုံးလုပ်ပေးလိုက်ပြီး အောင်မြင်သွားလို့ မှတ်တိုင်တစ်ခု ဖြစ်သွားတယ်။
မျိုးဗီဇ ပြုပြင်ထားတဲ့ ဝက်ကနေ ကိုယ်တွင်းအင်္ဂါ အစားထိုးတာ အရင်က မအောင်မြင်ခဲ့ဘူး။ ဝက်နှလုံး အစားထိုးကုသမှု နှစ်ခုလုပ်ခဲ့ဖူးပေမယ့် နှစ်ပတ်သုံးပတ်ကြာတော့ လူနာတွေ သေဆုံးသွားခဲ့တယ်။ ဝက်ကျောက်ကပ်က ပထမဆုံး အစားထိုးတာဖြစ်ပြီး ခုထိတော့ အောင်မြင်လို့ လူနာ ဆေးရုံကတောင် ဆင်းသွားတာပါ။ ဆလေမန်ဟာ ကျောက်ကပ်မဆေးရတော့ပါဘူး။
သူ့ခန္ဓာကိုယ်ထဲထည့်ဖို့ ဝက်ကျောက်ကပ်ကို အန္တရာယ်ရှိတဲ့ ဝက်မျိုးရိုးဗီဇတွေကို ဖယ်ရှားပြီး လူနဲ့အဆင်ပြေတဲ့ ဗီဇတချို့ ထည့်ပြီး ပြုပြင်ခဲ့တယ်လို့ ကင်းဘရစ်ချ် အခြေစိုက် ဆေးဝါးကုမ္ပဏီ eGenesis က ပြောတယ်။
၁၉၅၄ ခုနှစ်က ကမ္ဘာ့ပထမဆုံးအောင်မြင်စွာ လူသားကိုယ်တွင်းအင်္ဂါ အစားထိုးကုသမှုဖြစ်တဲ့ ကျောက်ကပ် အစားထိုးမှုနဲ့ လွန်ခဲ့သည့်ငါးနှစ်အတွင်း xenotransplantation on eGenesis (မျိုးစိတ်ကွဲပြားသော ကိုယ်တွင်းအင်္ဂါအစားထိုးကုသမှု) တွေက သုတေသန အကျိုးတွေလည်း ပါတယ်။
အမေရိကန်လူမျိုး ၁၀၀ ၀၀၀ ကျော် အသက်ကယ်ဖို့ ကိုယ်တွင်းအင်္ဂါ အစားထိုးကုသမှု လိုအပ်နေတယ်- ကိုယ်တွင်းအင်္ဂါအလှူရှင်တွေက နေည်းလာနေပြီး ၂၀၂၃ ခုနှစ်က အသက်ရှင်လျက်နဲ့ ကြိုတင်လှူဒါန်းသူ ၂၃၅၀၀ အောက်ပဲ ရှိတယ်။
အမေရိကန်မှာ အစားထိုးဖို့ အင်္ဂါအစိတ်အပိုင်းတစ်ခုကို စောင့်ဆိုင်းနေရင်း တစ်ရက်ကို လူ ၁၇ ဦးနှုန်း သေနေတယ်။ ကျောက်ကပ်ဟာ အစားထိုးကုသမှုအတွက် လိုအပ်တဲ့ အသုံးအများဆုံး ကိုယ်တွင်းအင်္ဂါဖြစ်တယ်။