ရတ်ရှ်ဖို့ဒ် ဟာ တွန့်ဆုတ်တွန့်ဆုတ်နဲ့ ကစားနေခဲ့တယ်လို့ ရွိုင်ကိန်း အပြစ်တင်
--------------------------------------------
ရုပ်သံသုံးသပ်သူအဖြစ် တာဝန်ထမ်းဆောင်နေတဲ့ ရွိုင်ကိန်းက ရတ်ရှ်ဖို့ဒ် ဟာ တွန့်ဆုတ်တွန့်ဆုတ်နဲ့ ကစားခဲ့တဲ့အချက်ကလည်း အာဆင်နယ်နဲ့ပွဲမှာ မန်ယူ ရှုံးရတဲ့အကြောင်းရင်းတစ်ခုဖြစ်တယ်လို့ ထုတ်ဖော်ပြောဆိုလိုက်ပါတယ်။ ရတ်ရှ်ဖို့ဒ် ဟာ လူစားဝင်ကစားသမားအဖြစ် အာဆင်နယ်နဲ့ မန်ယူပွဲစဉ်ကို ပါဝင်ကစားခဲ့ကာ သာမန်ထက်ပိုတဲ့ ခြေစွမ်းမျိုးကို ထုတ်မပြနိုင်ခဲ့လို့ အတော်ပဲ စိတ်ပျက်လက်ပျက်ဖြစ်မိတယ်လို့ ရွိုင်ကိန်းက ပြောသွားခဲ့ပါတယ်။
ရတ်ရှ်ဖို့ဒ် တုန်လှုပ်နေပုံဟာ မယုံကြည်နိုင်လောက်စရာဖြစ်ခဲ့ရသလို ပွဲကစားသွားပုံကလည်း လျော့တိလျော့ရဲနိုင်လွန်းနေခဲ့တယ်လို့ ရွိုင်ကိန်းက မှတ်ချက်ပေးသွားခဲ့ပါတယ်။ ဒီပွဲစဉ်ဟာ တန်ဟတ်ဂ်ကို ရာထူးကနေ ထုတ်ပယ်လိုက်ပြီးတဲ့နောက်ပိုင်း မန်ယူအနေနဲ့ အရှုံးရလဒ်ကို ပထမဆုံး ရင်ဆိုင်လိုက်ရတဲ့ပွဲစဉ်ဖြစ်ပြီး မန်ယူယာယီနည်းပြဟောင်းဖြစ်ခဲ့သူ နစ္စတယ်လ်ရွိုင်းက လက်စတာအတွက် နိုင်ပွဲယူပေးတဲ့သီတင်းပတ်မှာ မန်ယူအမြဲတမ်းနည်းပြသစ် အေမိုရင်က ရှုံးပွဲကြုံဆုံလိုက်ရတာဖြစ်ပါတယ်။
မန်ယူဟာ ပုံစံကောင်းရဖို့အတွက် ရုန်းကန်နေရပြီး ရတ်ရှ်ဖို့ဒ်ဆိုရင် ဘောလုံးထိချက် ၂၂ ကြိမ်သာ ရှိခဲ့ပါတယ်။ အဲ့ဒီ ၂၂ ကြိမ်မှာ ရတ်ရှ်ဖို့ဒ်က ဂိုးပေါက်က၊န်သွင်းချက် တစ်ကြိမ်မှ မရှိခဲ့သလို အရေးပါတဲ့ေ၊ဘာလုံးပေးပို့မှုလည်း တစ်ကြိမ်မှ မရှိခဲ့ပါဘူး။
“ရတ်ရှ်ဖို့ဒ်က လိုအပ်ချက်တွေ များလွန်းနေခဲ့တယ်။ သူဟာ ပွဲမတိုးတော့တဲ့ကစားသမားတစ်ယောက်လိုကို ဖြစ်နေခဲ့တာ။ တွန့်ဆုတ်တွန့်ဆုတ်နဲ့ တုန်လှုပ်နေခဲ့တယ်။ ကြောက်စိတ်တွေ များနေသလိုပဲ။ သူက ကစားသမားကောင်းတစ်ယောက်ပါ။ သူ့မှာ လုပ်နိုင်စွမ်းတွေ အများကြီးရှိပါတယ်။ မန်ယူဟာ အသင်းကြီးတစ်သင်းဖြစ်ကြောင်း သက်သေပြချင်ရင် ဒီလိုပွဲတွေကို အနိုင်ကစားရလိမ့်မယ်။ မန်ယူ လုပ်ပြနိုင်ဖို့ လိုနေပါပြီ”လို့ ရွိုင်ကိန်းက ပြောသွားခဲ့ပါတယ်။
