ဆိုင်ကယ်ကယ်ရီမောင်းသည့် အသက်(၆၇) နှစ်အရွယ် အမျိုးသားကြီးတစ်ဦးကို ငှားရမ်းစီးသည့် အမျိုးသားနှစ်ဦးမှ ဓားဖြင့်ထိုးသတ်၊ ကျူးလွန်သူနှစ်ဦး ဖမ်းဆီးရမိ
နေပြည်တော်၊ ဒီဇင်ဘာ ၅
ပုသိမ်-မုံရွာကားလမ်း အနောက်မြောက် (၁၀)မိုင်ခန့်အကွာ၊ မြေဝါကုန်းကျေးရွာနှင့် သံလည်ကြီးကျေးရွာ အကြား မိုင်တိုင် (၁၃၅/၂)နှင့် (၁၃၅/၃)အကြားတွင် ဆိုင်ကယ်ကယ်ရီမောင်းသည့် အသက်(၆၇) နှစ်အရွယ် အမျိုးသားကြီးတစ်ဦးကို ငှားရမ်းစီးသည့် အမျိုးသားနှစ်ဦးမှ ဓားဖြင့်ထိုးသတ်ရာ ဆိုင်ကယ်အားလုယက် သွားသည့် ကျူးလွန်သူနှစ်ဦးကို ဖမ်းဆီးရမိကြောင်း သိရသည်။
ဖြစ်စဉ်မှာ ဒီဇင်ဘာလ ၃ ရက်နေ့တွင် ပန်းတောင်းမြို့၊ ရေလည်ကျွန်းအုပ်စု၊ မြစစ်ကိုင်းကျေးရွာတွင် နေထိုင် သည့် မော်တော်ဆိုင်ကယ်ကယ်ရီမောင်းသူ သတ်ဖြတ်ခံရသည့် အသက်(၆၇) နှစ်အရွယ် ဦးအေးမြင့်၏ မော်တော်ဆိုင်ကယ်ကို လာရောက်ငှားရမ်းသည့် ကျူးလွန်သူ ပေါက်သစ်ကုန်းကျေးရွာတွင်နေထိုင်သည့် မင်းမင်း နှင့် ဥသျှစ်ပင်မြို့၊ ပြည်တော်သာရပ်ကွက်၊ ပိတောက်လမ်းတွင် နေထိုင်သည့် မြတ်နိုးဦး(ခ)မင်းသူ (ခ)တူ ကြီးတို့မှ မြေဝါကုန်းကျေးရွာသ့ို ငှားစီးပြီးနောက် ထိုကျေးရွာကျော်သွားသောကြောင့် ပြန်လှည့်စဉ် လူရှင်းသည့်နေရာ၌ ထိုဦးအေးမြင့်ကို ဆိုင်ကယ်ကယ်ရီငှားရမ်းစီးသည့် အမျိုးသားနှစ်ဦးမှ အသင့်ပါလာသည့် အရိုးအသွား (၁၁) လမ်းမခန့်ရှိသည့် သစ်သားရိုးတပ်စတီးဓားဖြင့် သတ်ပြီး မော်တော်ဆိုင်ကယ်ကို ယူဆောင်သွားကြောင်း သိရသည်။
ထိုကျူးလွန်သူအမျိုးသားနှစ်ဦးမှ ဦးအေးမြင့်၏ မော်တော်ဆိုင်ကယ်ကို ယူဆောင်ပြီး ကျောက်ဖူးအုပ်စု၊ ဘင်္ဂေ ကျးရွာတွင် နေထိုင်သည့် ဦးရဲထွဋ်ထံတွင် ထိုဆိုင်ကယ်ကို ငွေကျပ် ၈ သိန်း ၃ သောင်းဖြင့် ရောင်းချခဲ့ပြီး ခွဲဝေ ယူခဲ့ကြောင်း ထိုကျူးလွန်သူနှစ်ဦးမှ ထွက်ဆိုထားသည်။
အဆိုပါကျူးလွန်သူနှစ်ဦးကို ၎င်းတို့၏ နေအိမ်၌ ဒီဇင်ဘာလ ၄ ရက်နေ့တွင် ဖမ်းဆီးရရှိခဲ့ပြီး သက်သေခံ ဆိုင်ကယ်အား အမှုဖြင့်သိမ်းဆည်းပြီး စစ်ဆေးလျက်ရှိကြောင်း ပဲခူးတိုင်း ဒေသကြီး၊ ပန်းတောင်းမြို့နယ်၊ ဥသျှစ်ပင် နယ်မြေရဲစခန်းမှ သိရသည်။
Photo - Credit
#သတင်းဟင်းဖလးအိုးကြီး
