သနားလို့ကို မရဘူး
-------------------------------
မမျှော်လင့်ပဲ ကလေးတစ်ယောက် နှင့် အတူရှိနေပြီး ဖုန်းပြောနေသည့် ရည်းစားဟောင်းကို HDB တိုက်အောက်က စားပွဲမှာ ထိုင်နေတာကို ရုတ်တရက်တွေ့လိုက်ရတော့..
ကျတော် တော်တော်လေစိတ်မကောင်းဖြစ်မိသွားသည်။
တစ်ရက် ကျတော် အလုပ်သွားနေရင်း သူမ ကို တွေ့ချင်းဖြစ်သည်။ သို့ပေမယ့် သူမကိုတွေ့တော့ နှုတ်ဆက်မိသည် ။ သူမကလည်း ကျတော့်ကို မှတ်မိသည်။ မမှတ်မိပဲ ဘယ်နေနိူင်မည်နည်း။ တစ်ကယ်ချစ်ခဲ့ကြသည့် ချစ်သူတွေ ဖြစ်ခဲ့တာပဲလေ။ဒီလိုနဲ့ တွေ့တော့ နှုတ်ဆက်ကြတော့လည်း မောင်နှမတွေလိုပါပဲ။
"ညီမ နေကောင်းလား စင်ကာပူမှာမှ ရုတ်တရက်ပြန်တွေ့ရတယ်နော်"
"ကောင်းပါတယ် ကိုကြီး , ကိုကြီးရောအလုပ်အကိုင် ပြေရဲ့လား "
သူမ ပုံစံက အဆင်မပြေတဲ့ ပုံဟု ခန့်မှန်းမိသည်။ ညအိပ်ဝတ်စုံ ချည်သား စပန့်ဘောင်းဘီနှင့် မဟောင်းတဟောင်း တီရှပ်အင်္ကျီအပေါ်ကနေ ဝတ်ထားပြီး HDB အောက်မှာ ကလေးထိန်းရင်း တစ်ဖက်က မြန်မာပြည်ကသူ့အမေနဲ့ လစ်တုန်း video call ခိုးပြောနေဟန်တူသည်။
သူ့ယောက်ကျား ရသွားတာတော့ကြားသည်။ယောက်ကျားက ပညာတတ်ဆိုလားဘာလားကြားမိသေးသည်။ ခုကြည့်ရတာတော့ ကွဲသွားပြီး ဒီရောက်လာဟန်တူသည်။ သူမနှင့် စကားသာပြောနေရင်း အတွေးတွေက မျောလွင့်နေပြီး ဘာပြောမိမှန်းတောင်မသိတော့ပေ။
ကျတော် သူမကို နှုတ်ဆက်မှရမည်။သူမ ဒီလို အောက်မှာ တစ်ခြားယောက်ကျားနှင့် စကားပြောနေသည်ကို သူ့အလုပ်ရှင်မြင်သွားလျှင် သူမ ပဲ အဆူခံရနိုင်သည်။ နောက်ဆုံး ကျတော် နေ့လည်စာစားဖို့ ဝယ်လာသည့် တရုတ်ဆိုင်က ခေါက်ဆွဲ နဲ့ ကြက်ဥပါသည့် ဘူးလေးကို ကိုင်ပြီး သူမကို ပေးမိသည်။
" ရော့ ညီမ ဒါလေးစားကြည့်ကောင်းတယ် အစ်ကို အလုပ်က ကောင်လေး အတွက် ဝယ်လာပေးတာ အစ်ကိုနောက်မှ ပြန်ဝယ်လိုက်မယ် အစ်ကိုအလုပ်သွားလိုက်ဦးမယ် "
"အာ . ရတယ်ကိုကြီး မယူဘူး ထားလိုက် ညီမ ခဏနေ ဈေးဘက်ရောက်မှ ဝယ်စားလိုက်မယ်"
သူမ ဘယ်လိုပဲငြင်းငြင်း ကျတော် စိတ်မကောင်း ကျွေးရမှ ကျေနပ်မည်မို့.. မေ့သွားချင်ယောင် ဆောင်ပြီး စားပွဲပေါ် ဘူးတင်ပြီး ပြတ်ပြတ်သားသား လှည့်ထွက်လာခဲ့သည်။ပြန်လှည့်မကြည့်မိတော့ စိတ်ထဲမှာတော့ သူမ နဲ့ ပါတ်သတ်သည့် အတွေးများစွာဖြင့်။
" ကိုကြီး ကိုကြီး "
သူမကျတော့်ကို လှမ်းခေါ်သည်။ ကျတော်လုံးဝလှည့်မကြည့် ဆက်လျှောက်လာသည်။ သူမ ခေါက်ဆွဲကြော်ဘူးကို ပြန်ပေးချင်လို့ဖြစ်မည်။ သူမသည် ရည်းစားဘဝထဲက မာန ရှိသည်ဆိုတာ ကျတော်သိသည်။ ထိုနေ့ညက ကျတော် တစ်ညလုံးအိပ်မပျော်ခဲ့ ငါဘာကြောင့် သူမ ဖုန်းနာပါတ်မတောင်းခဲ့ရသနည်းဟု နောင်တတွေရခဲ့သည်။ မနက်ဖြန်တော့ sunday လစာထုတ်ရက်နှင့်ကွက်တိ cityhall မှာ မူးအောင် သောက်ဦးမည်။
" ဟိုတစ်နေ့က ငါ့ ex နဲ့ တွေ့တယ်ကွ သူလဲ ဒီရောက်နေတယ် မိုက်တာကတော့ အရင်လို မိုက်တုန်းကွ လှတုန်း "
"ပြန်ချိတ်ပေါ့ဟ "
" အာ သူ့က အရင်က ယောက်ကျားရသွားပြီလို့ ငါကြားတယ် ခုတော့ဒီရောက်နေတော့ ကွဲသွားပြီလားမသိ "
"အေးလေ ဘာဖြစ်တုန်း ဒီမှာက ဒီလိုပဲကို တွဲနေကြတာပဲ"
ကျတော် site ထဲက မြန်မာ နှစ်ယောက်နှင့် cityhall မှာဘီယာလာသောက်နေပြီး ပြောမိနေခြင်းဖြစ်သည်။
" ဟျောင့် စီုးကြီး "
ဘေးနားတစ်ယောက်လာရပ်ပြီး ခေါ်သံကြား၍မော့ကြည့်လိုက်သည်။
" ဟာ အာစရိ ဘာလာလုပ်တာတုန်း "
"ငါ့ မိန်းမနဲ့ ကလေးရောက်နေလို့ cityhall ခဏ ဝင်လာတာ မင်းတို့လဲနော် လစာရတာနဲ့ လာသောက်တာပဲ ပြီးရင်လမကုန်ခင် သုံးစရာမရှိတော့ ပါတ်ချေး မင်းတွေ့လို့ သောက်စားနေလို့ အကြွေးလာတောင်းတာ"
"ခဏနေ လွှဲပေးပါ့မယ် အာစရိ ရာ "
"အေး ခဏနေမှ မရသေးရင် မင်းတို့ ဆင်းတဲ့ ot ဇယားတွေ ငါလက်မှတ်မထိုးပေးဘူးမှတ်လိုက်ပေတော့ ရတဲ့လစာနဲ့ ကာမိအောင်နေကြစမ်းပါကွာ "
အာစရိသည် site supervisor ဖြစ်သည်။ကျတော်တို့ သူလက်မှတ်ထိုးပေးမှာ ot ကြေးကထုတ်လို့ရသည်။သုံးစရာမရှိလျှင် အာစရိဆီကချေးနေကြဖြစ်သည်။ အာစရိ ထွက်သွားတော့ အနောက်ကနေကြည့်နေမိသည်။ သူထိုင်တဲ့ဝိုင်းသည် ကျတော်တို့နှင့် မဝေး ခုမှရောက်ဟန်တူသည်။ ထိုင်နေတဲ့ သူ့ မိန်းမ နှင့် ကလေးကို လှမ်းကြည့်လိုက်သည်။ချက်ခြင်း သောက်ထားတာတွေ အမူးပြေသွားသည်။ကျတော် ချက်ခြင်း နေရာပြောင်း၍ သူတို့ဝိုင်းကို ကျောပေးနေလိုက်သည်။
စိတ်ထဲမှာတော့..
"စောက်ကောင်မလေး စင်ကာပူက သူ့ယောက်ကျားဆီ အလည်လာရင် လာတယ် မပြောဘူး ကလေးကိုလဲ သူ့ကလေးဆို သူ့ကလေးမပြောဘူး"
🥴🥴🥴🥴🥴🥴
****************
သင်ခန်းစာ..
မိန်းကလေးများသည် ပထမ ရည်းစား ပြတ်သွားလျှင် ဒုတိယ ရည်စားကို ပထမရည်စားထက် သာအောင်ရှာနိုင်ကြသည်။ ရည်းစား က ကိုယ့်အပေါ်ကောင်းနေလျှင် ဒုတိယရည်းစားဆိုတာသူတို့ဘဝတွင် ဖြစ်မလာပေ။
ထို့ကြောင့် ယောက်ကျားလေးများ သည် ငါ့ EX ငါနဲ့ပြတ်တော့ ဒုက္ခရောက်ပြီဟု ဘယ်တော့မှ မတွေးမိပါစေနှင့်..
😁😁😁
Credit