ကမ္ဘာ့ဇာတ်ခုံ အဖုံဖုံမှာလည်း အစိုးရအကွဲအပြဲသတင်း၊ စစ်ပွဲသတင်း၊ သံတမန်ရေးရာ သတင်းတွေ ဒီတလောမှာ မြိုင်မြိုင်ဆိုင်ဆိုင်ကို ကြားနေရတော့ တွေးမိတာက.....ကိုယ်တွေတနိုင်ငံတည်း စိတ်ညစ်နေရတာမဟုတ်ဘူးဆိုတာပဲ။ ဒီလိုပဲကြံဖန်တွေးတတ်ရတာပေါ့

တောင်ကိုရီးယားသမ္မတကို_စွပ်စွဲပြစ်တင်မယ်ဆိုရင်
--------------
မာရှယ်လော ရုတ်တရက်ထုတ်ပြန်ပြီး ညတွင်းချင်း ပြန်ရုပ်သိမ်းခဲ့ရတဲ့ တောင်ကိုရီးယားသမ္မတ ယွန်းဆော့ယောရဲ့ နိုင်ငံရေးအနာဂတ်နဲ့ ပတ်သက်လို့ သမ္မတရာထူးက ကိုယ်တိုင်ဆင်းမပေးရင် လွှတ်တော်မှာ စွပ်စွဲပြစ်တင်မှု လုပ်ငန်းစဉ် စတင်မယ်လို့ အတိုက်အခံ လွှတ်တော်အမတ်တွေက သတိပေးထားတယ်။
တောင်ကိုရီးယားခြေဥအရ သမ္မတတာဝန်တွေကို ထမ်းဆောင်ရာမှာ ဖွဲ့စည်းပုံအခြေခံဥပဒေ ဒါမှမဟုတ် တခြားအက်ဥပဒေတွေ ချိုးဖောက်ရင် စွပ်စွဲပြစ်တင်ဖို့ လွှတ်တော်မှာ အမတ်အများစုက အဆိုပြုနိုင်တယ်၊ စွပ်စွဲဖို့ အမတ်အားလုံးရဲ့ သုံးပုံနှစ်ပုံက အတည်ပြုရမယ်။
အဆိုပြုချက်ကို ဖွဲ့စည်းပုံအခြေခံဥပဒေဆိုင်ရာခုံရုံးနဲ့ ဗဟိုတရားရုံးချုပ်ကို အတူတင်သွင်းရမယ်။ စွပ်စွဲပြစ်တင်မှု ဆက်လုပ်ဖို့ တရားရုံးချုပ် တရားသူကြီး ကိုးဦးအနက် အနည်းဆုံး ခြောက်ဦး သဘောတူရမယ်။
စွပ်စွဲပြစ်တင်မှု မပြီးမချင်း သမ္မတဟာ အာဏာကျင့်သုံးမှု ဆိုင်းငံ့ခံထားရမယ်- ဝန်ကြီးချုပ်က နိုင်ငံ့ ယာယီခေါင်းဆောင် တာဝန်ယူရမယ်။
လက်ရှိ ဝန်ကြီးချုပ်က ဟန်ဒပ်ဆိုး- သူက ဒုတိယအကြိမ် ဝန်ကြီးချုပ် ဖြစ်နေသူ။ သမ္မတ ရိုမူးဟွန်လက်ထက် ၂၀၀၇-၂၀၀၈ မှာ ဝန်ကြီးချုပ်အဖြစ် တာဝန်ယူခဲ့ဖူးတယ်။
စွပ်စွဲပြစ်တင်မှု အတည်ဖြစ်သွားရင် သမ္မတဟာ ရာထူးက ဖြုတ်ချခံရပြီ ရက်ပေါင်း ၆၀ အတွင်း သမ္မတရွေးကောက်ပွဲ ကျင်းပရတယ်။
လောလောဆည် သမ္မတရဲ့ ဝန်ထမ်းအကြီးအကဲနဲ့ အတွင်းဝန် ၁၀ ဦးကျော် နုတ်ထွက်စာတင်ထားပြီ။ အမတ်တွေကော ပြည်သူတွေကပါ တောင်းဆိုနေကြပေမယ့် သမ္မတယွန်းကတော့ ရာထူးက ဆင်းမပေးသေး။
သမ္မတယွန်းကတော် ကင်ကီအွန်ဟီးဟာ ဒေါ်လာ ၂၂၀၀ ကျော်တန်တဲ့ Christian Dior လက်ကိုင်အိတ်ကို လက်ဆောင်အဖြစ် လက်ခံခဲ့ကြောင်း မနှစ်ထဲက စွပ်စွဲခံခဲ့ရတယ်၊ တောင်ကိုရီးယားမှာ အစိုးရအရာရှိတွေနဲ့ သူတို့အိမ်ထောင်ဖက်တွေ ဒေါ်လာ ၇၅၀ ထက်မပိုတဲ့လက်ဆောင်တွေ လက်ခံရယူမှုကို တားမြစ်ထားတဲ့ အကျင့်ပျက်ခြစားမှုတိုက်ဖျက်ရေးဥပဒေ ရှိတယ်။
ကိုးရီးယား-အမေရိကန်သင်းအုပ်ဆရာတစ်ယောက်က ကင်ကို အဲဒီလက်ကိုင်အိတ် ပေးနေတဲ့ လျှို့ဝှက်ရိုက်ကူးထားတဲ့ ဗီဒီယိုတစ်ခု အွန်လိုင်းပေါ် ပျံ့နှံ့ခဲ့တယ်။ ယူမယူ မသဲကွဲ။ သမ္မတယွန်းကတော့ အဲဒီဗီဒီယိုဟာ ကြားဖြတ်ရွေးကောက်ပွဲကို လွှမ်းမိုးဖို့လုပ်တဲ့ နိုင်ငံရေးစတန့်လို့ ပြောခဲ့တယ်- မဲပေးတော့ အတိုက်အခံတွေ အပြတ်အသတ်အနိုင်ရခဲ့တယ်။
သမ္မတကတော်ကို စွဲချက်မတင်ဖို့ အစိုးရရှေ့နေတွေက ဆုံးဖြတ်ခဲ့ကြတယ်။ အခု အတိုက်အခံတွေက
ဖြုတ်ပစ်ဖို့ အဆိုပြုတဲ့ရှေ့နေတွေဟာ အဲ့ဒီရှေ့နေတွေ ဖြစ်နိုင်တယ်။
သမ္မတယွန်းဟာ သူ ဘာမှလုပ်မရလောက်အောင် ဘတ်ဂျက်အဖြတ်ခံရတယ်ဆိုပြီး ဒေါသူပုန်ထ မိန့်ခွန်းပြောရင်း မာရှယ်လော ကြေညာခဲ့တာ၊ ဒါပေမယ့် သူ့မိခင်ပါတီကပါ သူ့ကို စွန့်ခွာသွားတဲ့အခါ
တောင်ကိုရီးယားသမ္မတ အတော်များများ ဇာတ်သိမ်းမလှသလိုဖြစ်ဖို့ ရှေးရှုနေပြီလား တွေးစရာ။
Credit to Min Myat San