စစ်အုပ်ချုပ်ရေးအမိန့် ထုတ်ခဲ့မိတဲ့ တောင်ကိုရီးယားသမ္မတ ရာထူးကထွက်ရဖို့ နီးစပ်လာ

ဒီဇင်ဘာ ၄

သမ္မတရဲ့ စစ်အုပ်ချုပ်ရေးပြဌာန်းလိုက်တဲ့ အမိ်န့ကို တားဆီးခဲ့ပြီးနောက် တောင်ကိုရီးယားပါလီမန် အမတ်တွေဟာ သမ္မတ ယွန်းဆွတ်ခ်ယိုးလ်ကို စွပ်စွဲပြစ်တင် ဖြုတ်ချလို့ ကြိုးပမ်းနေပြီဖြစ်ပါတယ်။

သမ္မတကို စွပ်စွဲပြင်တင်ဖြုတ်ချဖို့အတွက် ဒီနေ့ကနေ ၇၂ နာရီအတွင်း မဲခွဲဆုံးဖြတ်သင့်တယ်လို့ အတိုက်အခံပါတီတွေမှ ညွှန့်ပေါင်းလွှတ်တော်အမတ်တွေက ပြောပါတယ်။

စွပ်စွဲပြစ်တင်မှု ဥပဒေကြမ်းကို အမြန်ဆုံးအတည်ပြုနိုင်ဖို့နဲ့ သမ္မတရဲ့ လုပ်ငန်းကို ဆိုင်းငံ့ထားဖို့ လွှတ်တော်က အာရုံစိုက်သင့်တယ်လို့ ညွှန့်ပေါင်းအဖွဲ့မှာ ပါလီမန်အမတ် ဟွမ်အန်ဟာက သတင်းထောက်တွေကို ပြောပါတယ်။

မြောက်ကိုရီးယား ကွန်မြူနစ်တွေရဲ့ ခြိမ်းခြောက်မှုတွေကနေ နိုင်ငံကို ကာကွယ်ဖို့နဲ့ နိုင်ငံကို ဆန့်ကျင်ရေးသမားတွေကို ဖယ်ရှားဖို့ စစ်အုပ်ချုပ်ရေးလိုတယ်ဆိုပြီး သမ္မတကပြောဆိုခဲ့ပြီး ဒီအမိန့်အပေါ် သူ့ရဲ့မိခင်ပါတီကလည်း ဝေဖန်ပြောဆိုခဲ့ပါတယ်။

ဒါပေမယ့် သူ့ကြေညာချက်အပြီး နှစ်နာရီအကြာမှာတော့ လွှတ်တော်အမတ်တွေဟာ သမ္မတအမိန့်ကို ဖီဆန်ပြီး အမျိုးသားလွှတ်တော်မှာ အစည်းအဝေးပြုလုပ်ကာ အမိန့်ဟာ တရားမဝင်ကြောင်း မဲခွဲဆုံးဖြတ်ခဲ့ကြပါတယ်။

ဒီနောက်မှာတော့ ဒီအမိန့်ကို မနက် ၄ နာရီခွဲမှာ သမ္မတက ရုပ်သိမ်းလိုက်တာကြောင့် ပါလီမန်ပြင်ပမှာ စုဝေးဆန္ဒပြသူတွေဟာ အောင်ပွဲခံခဲ့ကြပြီး သမ္မတ ယွန်းဆွတ်ခ်ယိုးလ် နုတ်ထွက်ပေးဖို့ တောင်းဆိုနေကြပါတယ်။

ကာကွယ်ရေးဝန်ကြီး ကင်ယောင်ဟွန်းကို ရာထူးကနေ ထုတ်ပယ်ဖို့နဲ့ အစိုးရတဖွဲ့လုံး နုတ်ထွက်ဖို့ကို အာဏာရပါတီ အကြီးအကဲက တောင်းဆိုလိုက်ပါတယ်။ တောင်ကိုရီးယားရဲ့ အကြီးဆုံး အလုပ်သမားသမဂ္ဂကတော့ အစည်းအဝေးတခုပြုလုပ်ခဲ့ပြီး သမ္မတနုတ်ထွက်တဲ့ထိ ဆန္ဒပြမယ်လို့ ကတိပြုလိုက်ပါတယ်။

Ref:CNA
Photo:AFP

Credit - VOM News Agency

#သတင်းဟင်းလေးအိုးကြီး