သင်ဘယ်အချိန်သေဆုံးမလဲဆိုတာ သိနိုင်ပါပြီ...
သေမင်းဂဏန်းတွက်စက်လို့ နာမည်ပေးထားကြတဲ့ ဒီ AI App က သင်ဘယ်အချိန်သေဆုံးမလဲဆိုတာကို တွက်ချက်ခန့်မှန်းပေးမှာဖြစ်ပါတယ်။
Death Clock App ကိုတော့ Brent Franson ဆိုတဲ့ သူက ဖန်တီးခဲ့တာဖြစ်ပြီး လူပေါင်း 53 သန်းကျော်အပေါ် အခြေခံထားတဲ့ အသက်ရှင်နိုင်မှုဒေတာပေါင်း 1200 ကျော်ကို AI စနစ်နဲ့ ပေါင်းစပ်ဖန်တီးခဲ့တာလို့ ဆိုပါတယ်။ App ကနေ အသုံးပြုသူရဲ့ အသက်၊ အရပ််အမြင့်၊ ကိုယ်အလေးချိန်၊ ကိုယ်လက်လှုပ်ရှားမှု အဆင့်နဲ့ နေ့စဉ်စားသုံးတဲ့ ကယ်လိုရီပမာဏတို့အပေါ် အခြေခံဲပြီး သေဆုံးမယ့်ရက်ကို ခန့်မှန်းပေးတာလို့ ဆိုပါတယ်။
ဒီနေရာမှာ user အချို့ရဲ့ အပြောအရဆို အတိအကျမဟုတ်ပဲ ခန့်မှန်းတွက်ချက်ပေးတာဖြစ်ပြီး ကိုယ့်ရဲ့နေထိုင်မှုအပေါ်လည်း ဘယ်လိုပိုပြီးကောင်းမွန်အောင် နေထိုင်စားသောင်သင့်လည်းဆိုတာကိုပါ ဆွေးနွေးအကြံပေးပါသေးတယ်လို့ ဆိုပါတယ်။ App ဖန်တီးသူ Brent Franson အနေနဲ့လည်း သေဆုံးချိန်ကို ခန့်မှန်းပေးတာထက် လူနေမှုဘဝကို ဂရုတစိုက်ရှိစေချင်ပြီး ကျန်းမာတဲ့နေထိုင်စားသောက်မှုပုံစံကို မြှင့်တင်ဖို့အတွက် ဖန်တီးဖြစ်တာလို့လည်း ဆိုပါတယ်။
Death Clock App ဟာဆိုရင် ဇူလှိုင်လကတည်းက ထုတ်ခဲ့တာဖြစ်ပေမဲ့ ဒီရက်ပိုင်းမှ လူပြောများလာတာပါ။ အခုဆိုရင် ဒီ AI App ကို Download ဆွဲသူပေါင်း ၁ သိန်းကျော် ရှိနေပါပြီ။ App မှာ ထူးခြားတဲ့ Feature ကတော့ Fond Farewell လို့ခေါ်တဲ့ Feature ပါ။ ဒီ Feature က သေဆုံးမယ့်ရက်ကို မှတ်တမ်းတင်ပေးပြီး ဆွေးနွေးနိုင်တဲ့ပုံစံမျိုးပါ။ နောက်ပြီး Death App က လက်ရှိ ကျန်းမာရေးဆိုင်ရာ App တွေထဲမှာ လူစိတ်ဝင်စားမှုအမြင့်ဆုံးနေရာမှာ ရှိနေပါတယ်။
iOS ရော Android မှာရော download လုပ်နိုင်ပါတယ်။ Account ဖွင့်ပြီး သုံးရုံပါပဲ။ ၁ နှစ်စာအနေနဲ့ ဒေါ်လာ 40 ပေးရပါမယ်။ စိတ်ဝင်စားတဲ့သူတွေကတော့ သုံးကြည့်ပြီး review လေး လာပြန်ပြောသွားလို့ရပါတယ်။ ကျွန်တော်ကတော့ မသုံးကြည့်ရသေးလို့ပါ။ သိနှင့်ပြီးတဲ့သူတွေလည်း ဘယ်လိုမျိုးလဲဆိုတာ ပြောပြသွားခဲ့ပါဦးခင်ဗျာ...
Akhayar
AkhayarTech
DeathClock