နှမြောမိတယ်
နှမြောမိတယ် ဆိုတာက
မတန်ဘဲပေးခဲ့မိတဲ့ စေတနာတွေနဲ့
အကျိုးမရှိဘဲ ဖြုန်းခဲ့မိတဲ့ အချိန်တွေကိုပါ
တစ်ခုခုဆို
အလေးအနက်ထားလွန်းတဲ့ကိုယ်က
သွေးအေးတဲ့သူတွေဆို မုန်းခဲ့ဘူးတယ်
ဒါပေမယ့်
တဖက်လူ ဘယ်လိုခံစားသွားရမလဲလို့
ထည့်စဥ်းစား မပေးတတ်တဲ့သူတွေနဲ့တွေ့တော့
ကိုယ်လည်း သူတို့လိုပဲ
သွေးအေးစွာ
တုန့်ပြန်ချင်တတ်ပြန်ရော
ခက်တာက
အလေးအနက်ထားလွန်းသူက
အထိအရှတွေများပြီး
ပြတ်သားတတ်မှ ဒဏ်ရာကင်းတယ်ဆိုတာ
ကိုယ်က အစက ကြိုမသိခဲ့ဘူး
ရခဲ့ဘူးတဲ့
နောင်တထဲမှာ
ကိုယ့်ကိုဂရုမစိုက်တဲ့သူတွေကိုမှ
ကိုယ်က ဂရုစိုက်ခဲ့မိတာတွေလည်းပါတယ်
ပျော်စရာဆိုတာ
လူမသိအောင် တိတ်တိတ်လေး
ခိုးငိုရတာဖြစ်ပြီးတော့
အမှတ်တရ ဆိုတာ
တဖက်သတ်ချည်တဲ့ သံယောဇဉ်တွေနဲ့
တစ်ဘဝစာ ရခဲ့တဲ့ ဒဏ်ရာတွေပဲ ဖြစ်ခဲ့တယ်
နာကျင်စရာ
ကောင်းပါတယ်
ရင်ဘတ်တည့်တည့်ကို ဆောင့်ကန်သွားတဲ့ ခြေထောက်တွေကိုမှ
အမြဲသတိရနေတတ်သူတွေက
တစ်ချို့နေ့တွေမှာတော့
သူတို့ကို သူတို့တောင် မေ့နေတတ်တဲ့သူတွေပါ
အသည်းအသန် ရှင်းပြနေတဲ့ကြားက
လွဲသွားတဲ့ နားလည်မှုတွေဟာ
အတော် စိတ်ကုန်ဖို့ ကောင်းပါတယ်
နှမြောမိတယ်
နှမြောမိတယ် ဆိုတာက
ပြတ်တောက်သွားတဲ့ ဆက်ဆံရေးတွေနဲ့
ဘဝထဲက ထွက်သွားကြတဲ့ လူတွေကို
နှမြောတာ မဟုတ်ပါဘူး
မတန်ဘဲပေးခဲ့မိတဲ့စေတနာတွေနဲ့
အကျိုးမရှိဘဲ ဖြုန်းခဲ့မိတဲ့
အချိန်တွေကိုပါ
တကယ်တော့
ဘယ်တရားနဲ့မှ ဖြေစရာမလိုပါဘူး
တကယ် လိုအပ်တာက
ကိုယ့်ကိုမလိုတော့တဲ့ သူတွေကို
ကိုယ်ကလဲ မလိုလိုက်တော့ ရုံပါပဲ

#crd_to_owner_with_respect