ဆုဖလား အမြန်ဆုံးရရှိအောင် စွမ်းဆောင်ပြရန်လိုဟု မန်ယူနည်းပြအာမိုရင်ပြော
မန်ယူအသင်းကို ဆုဖလားအောင်မြင်မှု အမြန်ဆုံးရရှိအောင် စွမ်းဆောင်ပြဖို့လိုကြောင်း နည်းပြ အာမိုရင်က ပြောသွားပါတယ်။
အသက် ၃၉ နှစ်ရှိပေါ်တူဂီနည်းပြဟာ မန်ယူနည်းပြဘဝ ပထမဆုံး သတင်းစာရှင်းလင်းပွဲကို တက်ရောက်ခဲ့ပြီး ဆုဖလားအောင်မြင်မှု အမြန်ဆုံးရယူပေးဖို့ လိုအပ်တယ်ဆိုတာ သိရှိထားကြောင်း ဝန်ခံခဲ့တာပါ။
အသင်းတသင်းအနေနဲ့ တိုးတက်မှုတွေရှိလာဖို့ လိုအပ်ပြီး အသစ်အသစ်သောအရာတွေကိုလည်း ကြိုးစားလုပ်ဆောင်သွားချင်ကြောင်း နည်းပြအာမိုရင်ကပြောပါတယ်။
အသင်းနဲ့ ၂ နှစ်ခွဲစာချုပ်ချုပ်ဆိုထားပြီး ၂ နှစ်အတွင်းမှာ နည်းပြကောင်းတယောက်ဆိုတာကို ပြသနိုင်ဖို့ လိုအပ်မှာဖြစ်ကြောင်း၊ ဒါပေမဲ့ ပရီးမီးယားလိဂ်ရရှိထားတဲ့ တခြားအသင်းတွေ ကိုကြည့်မယ်ဆိုရင် အချိန်တခုရယူလေ့ရှိကြောင်း နည်းပြအာမိုရင်က ပြောသွားပါတယ်။
DVB
Photo: Reuters
