ကမာရွတ် (၁)ရပ်ကွက်ရှိ တရားမဝင် ဝိုင်ဖိုင်ကြိုးများနှင့်ဆက်သွယ်ရေးကြိုးများကိုရှင်းလင်း
ရန်ကုန်တိုင်း၊ ကမာရွတ်မြို့နယ်၊ (၁)ရပ်ကွက်၊ ဇေယျာသီရိလမ်းတစ်လျှောက်၌ တရားမဝင်သွယ်တန်းထားသည့် ဝိုင်ဖိုင်ကြိုးများနှင့်ဆက်သွယ်ရေးကြိုးများကို ယမန်နေ့ နိုဝင်ဘာ ၂၁ ရက်ကဖယ်ရှားရှင်းလင်းခဲ့ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်း(YESC)ထံ မှ သိရသည်။
လျှပ်စစ်စွမ်းအားဝန်ကြီးဌာန၊ YESC ပိုင်ဓာတ် အားလိုင်းတိုင်များပေါ်တွင် တရားမဝင်သွယ် တန်းထားသော ဖိုင်ဘာကေဘယ်ကြိုးများ၊ ဝိုင်ဖိုင်ကြိုးများနှင့်လျှပ်စစ်အန္တရာယ်ဖြစ်စေနိုင်သည့်ဆက်သွယ်ရေးကြိုးများအားဖယ်ရှားရှင်း လင်းခဲ့ခြင်းဖြစ်ကြောင်း သိရသည်။
ထို့ပြင် တရားဝင်ခွင့်ပြုထားသည့် ဆက်သွယ်ရေးကုမ္ပဏီများအနေဖြင့် မြို့တော်အင်္ဂါရပ်များနှင့် အညီစနစ်တကျသွယ်တန်းထားခြင်း ရှိ/မရှိ၊ လျှပ်စစ်အန္တရာယ်ကင်းရှင်းမှုရှိ/မရှိတို့ကိုလည်း စစ်ဆေးခဲ့ကြကြောင်း သိရသည်။
YESC ၏ အနောက်ပိုင်းခရိုင်၊ ကမာရွတ်မြို့နယ်လျှပ်စစ်မန်နေဂျာရုံးမှ မြို့နယ်လျှပ်စစ်မန်နေ ဂျာ၊ မြို့နယ်လျှပ်စစ်အင်ဂျင်နီယာနှင့်ဝန်ထမ်းများ၊ တရားဝင်ခွင့်ပြုထားသောဆက်သွယ်ရေးကုမ္ပဏီများမှဝန်ထမ်းများက ပူးပေါင်း၍ဖယ်ရှားရှင်းလင်းခဲ့ကြကြောင်း သိရသည်။
