ကမ္ဘာစစ်မဖြစ်အောင်တော့ သတိထားနေကြတာပဲ။ ဒါပေမယ့် စစ်ပွဲတွေက တိုးတိုးလာနေတာကိုတော့တွေ့နေရတယ်။
ယူကရိန်းအရှေ့ပိုင်းက နီပရိုမြို့ကို မနေ့က တိုက်ခိုက်ခဲ့တာနဲ့ပတ်သက်လို့ ရုရှားသမ္မတဗလာဒီမီယာပူတင်က ထွက်ပြောလိုက်ပါပြီ။
ရုရှားနိုင်ငံထဲက ပစ်မှတ်တွေကို အမေရိကန်နဲ့ ယူကေလုပ် တာဝေးပစ်လက်နက်တွေနဲ့ ယူကရိန်းက ပစ်ခဲ့တာကို တုံ့ပြန်တဲ့ အနေနဲ့ နီပရိုမြို့ကို တိုက်ခိုက်ခဲ့တာဖြစ်ပြီး ယူကရိန်းစစ်ပွဲကာလအတွင်း တိုက်ချင်းပစ် ဒုံးကျည်တွေ ရုရှားက ပထမဆုံးသုံးခဲ့လို့ တကမ္ဘာလုံး အုတ်သော်သောင်းနင်းဖြစ်ခဲ့ပါတယ်။
ယူကရိန်းကို လက်နက်တွေ အသုံးပြုခွင့်ပေးခဲ့တဲ့ နိုင်ငံတွေရဲ့ စစ်ဘက်ဆိုင်ရာအဆောက်အအုံတွေကို ရုရှားက တိုက်ခိုက်လာနိုင်တယ်လို့ ပူတင်က ပြောပါတယ်။
အိုရက်ရှနစ်လို့ လျှို့ဝှက်နာမည်ပေးထားတဲ့ သာမန် တာလတ်ပစ် ဒုံးကျည်နဲ့ ပစ်ခတ်ခဲ့တာ ဖြစ်ပြီး ဒုံးကျည်ဟာ တစ်စက္ကန့်ကို ၂ ဒသမ ၅ ကီလိုမီတာ အမြန်နှုန်းရှိတယ်လို့ သူက ပြောပါတယ်။
‘’ရုရှားဟာ ဘယ်အခြေအနေအတွက်မဆို အသင့်ရှိပါတယ်၊ ဒါကို သံသယမရှိသင့်ဘူး၊ တုံ့ပြန်မှုတစ်ခု အမြဲရှိနေမှာပါ’’ လို့ ပူတင်က ပြောပါတယ်။
BBC
