"စက်သုံးဆီ ခွဲတမ်းလုံးဝမပေးတော့မည့် ဒေသများထုတ်ပြန်"
လက်နက်ကိုင်အဖွဲအစည်းများဆီမရောက်ရှိစေရန် စက်သုံးဆီခွဲတမ်း လုံး၀ ချမပေးသည့်ပြည်နယ်နှင့်မြိုနယ်များ စာရင်း ထုတ်ပြန်လိုက်ကြောင်း မြန်မာနိုင်ငံစက်သုံးဆီလုပ်ငန်းရှင်များအသင်းထံမှ သိရသည်။
နိုဝင်ဘာလ ၁၇ ရက်နေ့တွင် စွမ်းအင်ဝန်ကြီးဌာနက ထိုသို အသိပေးလာခြင်းဖြစ်ပြီး မည်သည့်အကြောင်းအရာနှင့်မှ အဆိုပါ မြိုနယ်များသို စက်သုံးဆီများ သယ်ယူပိုဆောင်ခြင်း မပြုလုပ်ကြရန်၊ ပိတ်ပင်ထားသော နယ်မြေများမှ သက်ဆိုင်ရာစစ်တပ်နှင့်ရုံးဌာနများအတွက် စက်သုံးဆီများကို အထူးကိစ္စရပ်အဖြစ် ခွင့်ပြုသွားမည်ဖြစ်ကြောင်း သိရသည်။
စက်သုံးဆီ PO များ လုံး၀ ချထားပေးခြင်းမပြုရသည့် နေရာများတွင် ကချင်ပြည်နယ်တွင် မြစ်ကြီးနားမြိုမှ လွဲ၍ မြိုနယ်များအားလုံးပါဝင်နေကြောင်း၊ လားရှိး၊ နောင်ချို အပါအဝင် ရှမ်းမြောက်ဒေသတစ်ခုလုံး၊ ချင်းပြည်နယ်ရှိ မြိုနယ်များအားလုံး စက်သုံးဆီ PO လုံး၀ မပေးတော့ခြင်းဖြစ်သည်။
ပိတ်ပင်လိုက်သည့်မြိုနယ်များမှာ ထီးချိုင့်၊ ပုလဲ၊ ဝက်လက်၊ ဗန်းမောက်၊ မင်းလှ၊ မော်လိုက်၊ ကသာ၊ မိုးမိတ်၊ ချောင်းဦး၊ နောင်ချို၊ လားရှိး၊ ခမ်းပက်၊ မိုင်းရယ်၊ ကလေး၊ ဆားလင်းကြီး၊ ကျွန်းလှ၊ ရေဦး၊ ဖောင်းပြင်၊ မြင်းမူ၊ နဘား၊ ဘုတလင်၊ အင်းတော်၊ ယင်းမာပင်၊ ရေနီ၊ ကန့်ဘလူ၊ တမူး၊ မြောင်၊ ခင်ဦး၊ ဒီပဲယင်း၊ ကောလင်း၊ ပေါက်(မကွေး)၊ မိုးကုတ်၊ မြင်းခြံတို ပါဝင်ကြောင်းလည်းသိရသည်။
" ဘာအကြောင်းနဲ့မှ အဲဒီဆီဆိုင်တွေကို ဆီ ထုတ်ပေးစရာမလိုတော့တဲ့သဘောပါပဲ။ ဘာအကြောင်းနဲ့မှ အဲဒီဘက်ကိုဆီသယ်လို မရပါဘူး" ဟု ဆီလုပ်ငန်းရှင်တစ်ဦးက ဆိုသည်။
အထူးသဖြင့် စက်သုံးဆီ သယ်ဆောင်ရာတွင် တင်ပြခွင့်ပြုထားသည့် ခရီးဆုံးနေရာအထိ သယ်ယူမည့် စက်သုံးဆီပမာဏအတိအကျကို အလေအလွင့်မရှိဘဲ သယ်ယူရန်၊ ဆီသယ်ယူရာတွင်လည်း တင်ပြခွင့်ပြုထားသည့် ဆီဘောက်ဆာယာဉ်မှလွဲ၍ မည်သည့်အစားထိုးယာဉ်ကိုမှ အသုံးပြုခြင်းမပြုရန်၊ ရောင်းချရန် ခွင့်ပြုထားသည့် စက်သုံးဆီပမာဏအတိုင်း ရောင်းဝယ်ရန်၊ ဆီသိုလှောင်၍ ပြင်ပသို ထုတ်ရောင်းခြင်း လုံး၀(လုံး၀) မပြုလုပ်ရန် စည်းကမ်းချက်နှင့် ညွှန်ကြားချက်အသစ်များလည်း ထုတ်ပြန်ကြောင်း သိရသည်။
