ဗာတီကန်သံရုံးသည် IBEC ကျောင်းတော်ကြီးအတွက်"ငြိမ်းချမ်းရေးမဟာမိတ်"အဖြစ်ဂုဏ်ပြုမှတ်တမ်းတင်ဟု IBEC ဆရာတော်မိန့်ကြား
မြန်မာနိုင်ငံဆိုင်ရာ ဗာတီကန်သံရုံးသည် IBEC ကျောင်းတော်ကြီးအတွက်"ငြိမ်းချမ်းရေးမဟာ မိတ်"အဖြစ်ဂုဏ်ပြုမှတ်တမ်းတင်သည်ဟု IBEC ဆရာတော်က သံရုံးတာဝန်ရှိသူနှင့် ယနေ့ နိုဝင်ဘာ ၂၁ ရက်ကတွေ့ဆုံစဥ် မိန့်ကြားတော်မူခဲ့ခြင်းဖြစ်သည်။
ထို့ပြင် ယခုအခါတွင်သာမက နောင်အခါတွင်လည်း ငြိမ်းချမ်းရေး၊ ဘာသာသာသနာရေးတို့ကိုပါ အပြန်အလှန်နားလည်မှုဖြင့် လက်တွဲပူးပေါင်းဆောင်ရွက်လိုသည်ဟုလည်း မိန့်ကြားတော်မူခဲ့သည်။
IBEC ဆရာတော်သည် နိုဝင်ဘာ ၂၅ ရက်တွင် ပုပ်ရဟန်းမင်းကြီးဖရန်စစ်ကိုယ်တိုင်တက်ရောက်မည့် ကမ္ဘာ့ဘာသာရေးခေါင်းဆောင်များ ငြိမ်းချမ်းရေးဆိုင်ရာတွေ့ဆုံဆွေးနွေးပွဲသို့ Universal Peace Council ၏အထူးဖိတ်ကြားမှုအရ တက်ရောက်တော်မူသွားမည်ဖြစ်သည်။
အဆိုပါ ကမ္ဘာ့ဘာသာရေးခေါင်းဆောင်များငြိမ်းချမ်းရေးဆိုင်ရာတွေ့ဆုံဆွေးနွေးပွဲတက်ရောက်ရန် IBEC ဆရာတော်သည် ယနေ့မွန်းလွဲပိုင်းက ရန်ကုန်လေဆိပ်မှ ထိုင်းနိုင်ငံ၊ ဘန်ကောက်မြို့သို့ ကြွရောက်တော်မူခဲ့သည်။
