အင်ဒိုအသင်းကို ရှုံးနိမ့်ခဲ့သည့်အတွက် မြန်မာအမျိုးသမီးဖူဆယ်အသင်း တတိယ နေရာဖြင့် လွဲချော်
ယနေ့ နိုဝင်ဘာ (၂၁) ရက် ၊ မွန်းလွဲ (၂)နာရီခွဲအချိန်တွင် ယှဉ်ပြိုင်ကစားသည့် ၂၀၂၄ အာဆီယံ အမျိုးသမီးဖူဆယ် ချန်ပီယံရှစ်ပြိုင်ပွဲ တတိယနေရာလုပွဲတွင် မြန်မာအသင်းက အင်ဒိုနီးရှားအသင်းကို (၄) ဂိုး (၁) ဂိုးဖြင့် ရှုံးနိမ့်ခဲ့ပြီး တတိယ နေရာဖြင့် လွဲချော်ခဲ့ပြီဖြစ်သည်။
မြန်မာအသင်း အနေဖြင့် အင်ဒိုနီးရှားအသင်းနှင့် အုပ်စုအဆင့်ပွဲစဉ် ယှဉ်ပြိုင်ကစားခဲ့စဉ်ကလည်း (၇) ဂိုးပြတ်ဖြင့် ရှုံးနိမ့်ထားသည်။
ထို့ကြောင့် အင်ဒိုနီးရှားအသင်းသည် ၂၀၂၄ အာဆီယံ အမျိုးသမီးချန်ပီယံရှစ်ပြိုင်ပွဲ တတိယနေရာကို ရပ်တည်နိုင်ခဲ့သည်။
ဗိုလ်လုပွဲစဉ်အတွက် ထိုင်းအသင်းနှင့်ဗီယက်နမ်အသင်းတို့ ဆက်လက်ယှဉ်ပြိုင်ကစားသွားမည်ဖြစ်ပြီး ၊ ပြိုင်ပွဲကို ဖိလစ်ပိုင်နိုင်ငံက အိမ်ရှင်အဖြစ်လက်ခံကျင်းပခဲ့ခြင်းဖြစ်သည်။
