တရုတ်မှာ ကျောင်းရှေ့လူအုပ်ထဲ ကားဝင်တိုက်မှု ဖြစ်ပွားပြန်လို့ အများအပြား ဒဏ်ရာရ

နိုဝင်ဘာ ၁၉

တရုတ်နိုင်ငံတောင်ပိုင်း ဟူနန်ပြည်နယ်ရှိ မူလတန်းကျောင်းတကျောင်းပြင်ပမှာ ကားတစီးက လူအုပ်ထဲကို ဝင်တိုက်မိပြီးနောက် လူအများအပြား ဒဏ်ရာရရှိခဲ့ကြောင်း တရုတ်နိုင်ငံပိုင် သတင်းဌာနက ဖော်ပြထားပါတယ်။

ထိခိုက်သေဆုံးမှု အသေးစိတ်အချက်အလက်တွေကို မသိရသေးပေမယ့် ဒီဖြစ်စဉ်အတွင်း ကျောင်းသားကျောင်းသူတွေနဲ့ လူကြီးအများအပြား ဒဏ်ရာရရှိခဲ့ပြီး ဆေးရုံတင်ထားရကြောင်း စီစီတီဗီသတင်းဌာနက ဆိုပါတယ်။

ယာဉ်မောင်းကို ကျောင်းလုံခြုံရေးနဲ့ ကျောင်းသားမိဘတွေကဖမ်းဆီးပြီး ရဲစခန်းကို လွှဲပြောင်းပေးထားပါတယ်။ ယာဉ်တိုက်မှုမှာ မတော်ဆမှု သို့မဟုတ် ရည်ရွယ်ချက်ရှိရှိ လုပ်ဆောင်ခြင်းလား ရှင်းလင်းစွာမသိရသေးပါဘူး ။ ဖြစ်စဉ်ဟာ ဒီနေ့မနက် ၇ နာရီ ၅၀ မိနစ်က ဖြစ်ပွားခဲ့တာပါ။

ဒဏ်ရာရရှိသူ ရှစ်ယောက်ကနေ ကိုးယောက်ထိရှိနိုင်ပြီး ကျောင်းသားတွေနဲ့ ကျောင်းသားမိဘတွေပါဝင်ကြောင်း မျက်မြင်သက်သေတယောက်က ပြောပါတယ်။ ဒါဟာ တရုတ်နိုင်ငံမှာ တပတ်တာကာလအတွင်း တတိယမြောက် လူစုလူဝေးလိုက် တိုက်ခိုက်ခံရခြင်းဖြစ်ပြီး အများပြည်သူလုံခြုံရေးအပေါ် စိုးရိမ်မှုတွေ တိုးပွားလာနေပါတယ်။

ပြီးခဲ့တဲ့ နိုဝင်ဘာ ၁၁ ရက်က နိုင်ငံတောင်ပိုင်း ရှူဟိုင်မြို့မှာ လူအုပ်ထဲကားနဲ့ဝင်တိုက်မှုကြောင့် လူ ၃၅ ယောက်သေပြီး ၄၀ ကျော်ဒဏ်ရာရရှိခဲ့ကာ ဆယ်စုနှစ်အတွင်း အသေအပျောက်အများဆုံးဖြစ်ပါတယ် ။ နိုင်ငံအရှေ့ပိုင်း သက်မွေးပညာကျောင်းတခုမှာလည်း လွန်ခဲ့တဲ့ နိုဝင်ဘာ ၁၆ ရက်က ဓါးကိုင်တိုက်ခိုက်မှုကြောင့် လူရှစ်ယောက်သေဆုံးပြီး ၁၇ ယောက် ဒဏ်ရာရရှိခဲ့ပါတယ်။

Ref:CNA
Photo:Getty Images

#centralnewznaypyitaw