မြန်နှုန်းမြင့်ရထားတည်ဆောက်ရေးအတွက် တူရကီနည်းပညာကျွမ်းကျင်မှုကို ထိုင်းနိုင်ငံက ပြန်လည် အသုံးပြုမည်
နိုဝင်ဘာ ၁၉
ထိုင်းနိုင်ငံရဲ့ မြန်နှုန်းမြင့်ရထားလမ်းကွန်ရက်သစ်မှာ အသုံးပြုဖို့ အမြန်ရထားတွေ တည်ဆောက်ဖို့အတွက် ထိုင်းနိုင်ငံဟာ တူရကီအစိုးရပိုင် ရထားထုတ်လုပ်ရေးကုမ္ပဏီ တူးရာဆက် (Türasaş = တေးယူရေးအား ဆေ ရားရှည်) နဲ့ ပူးပေါင်းဆောင်ရွက်နေကြောင်း ထိုင်းသယ်ယူပို့ဆောင်ရေးဝန်ကြီး ဆူရီယာဂျန်းဂရောင်းဂရိန်းကစ် က နိုဝင်ဘာ ၁၈ ရက်နေ့က ပြောပါတယ်။
အခုလို အသိပညာအပြန်အလှန်ဖလှယ်ပြီး ပူးပေါင်းဆောင်ရွက်နေတာဟာ ထိုင်းနိုင်ငံ သယ်ယူပို့ဆောင်ရေး ဖွံ့ဖြိုးတိုးတက်မှုကို ပံ့ပိုးဖို့အတွက် ရထားထုတ်လုပ်ရေးလုပ်ငန်းတစ်ခု ဆက်လက်ဆောင်ရွက်နိုင်ရေး စီမံချက် တွေထဲက အစိတ်အပိုင်းတစ်ခုဖြစ်ပါတယ်။
“ထိုင်းနိုင်ငံဟာ အနာဂတ်ကာလမှာ ရထားအင်ဂျင်တွေနဲ့ ရထားတွေ အများအပြားဝယ်ယူဖို့ လိုအပ်လာမှာဖြစ် ပါတယ်။ ဒီလိုပဲ ကမ္ဘာ့အဆင့်မီနည်းပညာတွေနဲ့ ရထားတွဲတွေ ဒီဇိုင်းရေးဆွဲတည်ဆောက်ပြီး ဒေသတွင်းမှာပဲ ရ ထားတွေထုတ်လုပ်ဖို့ မရှိမဖြစ် လိုအပ်လာမှာဖြစ်ပါတယ်။” လို့ ဆူရီယာက ပြောပါတယ်။
တူရကီနိုင်ငံ တူးရာဆက်ကုမ္ပဏီရဲ့ ဆာကာယာစက်ရုံကို သွားရောက်လည်ပတ်စဉ်အတွင်း ကုမ္ပဏီ CEO အိုစ မန်ဘိုယာ့ဇ်နဲ့ ပြောဆိုဆွေးနွေးပြီးနောက် ဆူရီယာက အခုလိုပြောကြားလိုက်တာဖြစ်ပါတယ်။
ဥရောပစံနှုန်း တစ်နာရီ ကီလိုမီတာ ၁၆၀ နှုန်း ခုတ်မောင်းနိုင်တဲ့ တူရကီနိုင်ငံက ရထားလမ်းစနစ်အတွက် လျှပ် စစ်ရထားတစ်စင်း ဒီဇိုင်းရေးဆွဲတည်ဆောက်ဖို့ တူးရာဆက်ကုမ္ပဏီဟာ ၂၀၁၉ ခုနှစ်မှာ အီတလီနိုင်ငံက Blue Engineering ကုမ္ပဏီနဲ့ ပူးပေါင်းဆောင်ရွက်ခဲ့ပါတယ်။
နိုင်ငံတွင်းမှာထုတ်လုပ်တဲ့ စက်ပစ္စည်းအစိတ်အပိုင်း ၇၅% ပါဝင်တည်ဆောက်ထားတဲ့အတွက် တူးရာဆက် ကုမ္ပဏီရဲ့ မြန်နှုန်းမြင့်ရထားဟာ ပြည်ပက တင်သွင်းတဲ့ရထားတွေထက် ၂၀% ဈေးသက်သာတယ်လို့ ကုမ္ပဏီ က ပြောပါတယ်။
ရထားစက်ပစ္စည်းအစိတ်အပိုင်းတွေကို ပြည်တွင်းမှာပဲ ထုတ်လုပ်ပြီး သွင်းကုန်တွေအပေါ် မှီခိုနေရတာကို လျှော့ ချဖို့အတွက် တူးရာဆက်ကုမ္ပဏီဟာ Hyundai Alstom နဲ့ Siemens အပါအဝင် နိုင်ငံတကာရထားထုတ်လုပ် ရေးနယ်ပယ်က ဦးဆောင်ကုမ္ပဏီတွေနဲ့လည်း ပူးပေါင်းဆောင်ရွက်ခဲ့ပါတယ်။
ထိုင်းမီးရထားလမ်းစီမံချက်တွေကို ပံ့ပိုးနိုင်ဖို့အတွက် တူရကီနိုင်ငံခရီးစဉ်အတွင်းရရှိခဲ့တဲ့ ရထားထုတ်လုပ်ရေး နည်းပညာဗဟုသုတတွေကို ပြန်လည်အသုံးချဖို့ မိမိတို့ဝန်ကြီးဌာနဟာ စက်မှုဝန်ကြီးဌာနနဲ့ ပူးပေါင်းဆောင်ရွက် သွားမှာဖြစ်ကြောင်း ဆူရီယာက ပြောပါတယ်။
ဝန်ကြီးဌာနအနေနဲ့ သဘာဝပတ်ဝန်းကျင်ထိခိုက်မှုတွေကို လျော့ချသွားမယ့်အပြင် ရထားအခြေခံအဆောက် အအုံတွေ တည်ဆောက်လည်ပတ်ရာမှာ ကုန်ကျစရိတ်တွေကို လျှော့ချသွားဖို့ ရည်ရွယ်ထားကြောင်း ၎င်းက ပြောပါတယ်။
ဘန်ကောက်မြို့နဲ့ အရှေ့မြောက်ဒေသ နခုန်ရတ်ချာဆီမာမြို့တို့ ဆက်သွယ်ထားတဲ့ ထိုင်းနိုင်ငံရဲ့ ပထမဦးဆုံး မြန်နှုန်းမြင့်မီးရထားလမ်းကို လက်ရှိအချိန်မှာ တည်ဆောက်နေဆဲဖြစ်ပါတယ်။
မြို့ကြီးတွေနဲ့ ဆက်သွယ်ထားပြီး နှစ်လမ်းပြိုင်တည်ဆောက်နေတဲ့ ရထားလမ်းစနစ်ဟာ နိုင်ငံံ့စီးပွားရေးကို မြှင့် တင်ပေးမှာဖြစ်သလို ထိုင်းနိုင်ငံကို ဒေသတွင်း သယ်ယူပို့ဆောင်ရေးဗဟိုချက်မနိုင်ငံအဖြစ်လည်း ပြောင်းလဲပေး သွားမှာဖြစ်ကြောင်း ဒုတိယဝန်ကြီးချုပ်လည်းဖြစ်တဲ့ သယ်ယူပို့ဆောင်ရေးဝန်ကြီး ဆူရီယာက ပြောပါတယ်။
Ref: Thailand taps Turkish expertise in high-speed train manufacturing
Credit - MI News
#သတင်းဟင်းလေးအိုးကြီး
