❝လူမှုစီးပွားမြှင့်တင်ရေးပါတီကို နိုင်ငံရေးပါတီအဖြစ် မှတ်ပုံတင်ခွင့်ပြု❞
နိုဝင်ဘာ ၁၉
နေပြည်တော်တွင်အခြေစိုက်သည့် လူမှုစီးပွားမြှင့်တင်ရေးပါတီကို နိုင်ငံရေးပါတီအဖြစ် မှတ်ပုံတင်ခွင့်ပြုလိုက်ကြောင်း ပြည်ထောင်စုသမ္မတမြန်မာနိုင်ငံတော်၊ ပြည်ထောင်စုရွေးကောက်ပွဲကော်မရှင်က ကြေညာချက်အမှတ် ( ၇ / ၂၀၂၄ ) ဖြင့် နိုဝင်ဘာလ ၁၈ ရက်တွင် အသိပေးထုတ်ပြန်ခဲ့သည်။
အဆိုပါ လူမှုစီးပွားမြှင့်တင်ရေးပါတီသည် နေပြည်တော်၊ ဇေယျာသီရိခရိုင်၊ ပုဗ္ဗသီရိမြို့နယ်၊ (၂၈) လမ်း (မြောက်ဘက်)၊ အောင်သာယာရပ်ကွက်တွင် ပါတီရုံးချုပ်ဖွင့်လှစ်ထားရှိသည့်ပါတီဖြစ်သည်။
ယင်းပါတီကို ၂၀၂၄ ခုနှစ်၊ နိုဝင်ဘာလ ၁၈ ရက်နေ့မှစ၍ နိုင်ငံရေးပါတီများမှတ်ပုံတင်ခြင်းဥပဒေ ပုဒ်မ ၉ နှင့်အညီ မှတ်ပုံတင်ခွင့်ပြုကြောင်း ကြေညာလိုက်ခြင်းဖြစ်ပြီး ၎င်းပါတီ၏ မှတ်ပုံတင်အမှတ်မှာ (၅၄) ဖြစ်သည်ဟု သိရသည်။
#centralnewsnaypyitaw
