အမေရိကန်နဲ့ ဖိလစ်ပိုင်တို့ စစ်ထောက်လှမ်းရေးအချက်အလက် မျှဝေဖို့ သဘောတူ
နိုဝင်ဘာ ၁၉
အမေရိကန်နဲ့ ဖိလစ်ပို်ငတို့အကြား ကာကွယ်ရေးနဲ့ လုံခြုံရေးဆိုင်ရာ ပူးပေါင်းဆောင်ရွက်မှု ပိုမိုနက်ရှိုင်းစေဖို့အတွက် စစ်ထောက်လှမ်းရေးအချက်အလက် အပြန်အလှန်မျှဝေရေး သဘောတူစာချုပ်ကို လက်မှတ်ရေးထိုးမှာဖြစ်ပါတယ်။
ဒီသဘောတူညီချက်ကိုတော့ ဖိလစ်ပိုင်ကိုရောက်ရှိနေတဲ့ အမေရိကန်ကာကွယ်ရေးဝန်ကြီး လွိုက်အော်စတင်နဲ့ ဖိလစ်ပိုင် ကာကွယ်ရေးဝန်ကြီး ဂျီဘာတိုသီအိုဒိုတို့ မနီလာမှာ ဒီနေ့လက်မှတ်ထိုးမှာဖြစ်တယ်လို့ တာဝန်ရှိသူတွေက ပြောပါတယ်။
လုံခြုံရေးနဲ့ ကာကွယ်ရေးသတင်းအချက်အလက်ဆိုင်ရာ GSOMIA သဘောတူညီချက်အရ နှစ်နိုင်စလုံးရဲ့ စစ်ဘက်ဆိုင်ရာ အချက်အလက်တွေကို လုံခြုံစွာမျှဝေဖို့ ခွင့်ပြုထားပါတယ်။ တောင်တရုတ်ပင်လယ်ရေး၊ ထိုင်ဝမ်အရေးတို့ကိုဆန့်ကျင်တဲ့ ဂျိုးဘိုင်ဒင်နဲ့ ဖာဒီနန်မားကို့စ်ဂျူနီယာတို့လက်ထက်မှာ အမေရိကန်နဲ့ ဖိလစ်ပိုင်တို့အကြား လုံခြုံရေးဆိုင်ရာ ဆက်ဆံမှုတွေ ပိုမိုနက်ရှိုင်းခဲ့ပါတယ်။
တောင်တရုတ်ပင်လယ်အရေးအပါအဝင် နှစ်နိုင်ငံကို တိုက်ခိုက်မှုတစုံတရာရှိလာပါက အပြန်အလှန်ကာကွယ်ပေးရမယ့် ၁၉၅၁ ခုနှစ်ကတည်းက ချုပ်ဆိုထားတဲ့ ကာကွယ်ရေးဆိုင်ရာ သဘာတူစာချုပ်လည်း နှစ်နိုင်ငံအကြားမှာ ရှိနှင့်ပြီးဖြစ်ပါတယ်။
အမေရိကန်သမ္မတသစ်ဖြစ်လာမယ့် ဒေါ်နယ်ထရန့်ရဲ့ အစိုးရနဲ့လည်း ဖိလစ်ပိုင်နဲ့အမေရိကန်တို့အကြား မဟာမိတ်ဆက်ဆံရေး ဆက်လက်ကောင်းမွန်မယ်လို့ မျှော်လင့်ကြောင်း ဖိလစ်ပိုင်သမ္မတ မားကို့စ်ဂျူနီယာက ထုတ်ဖော်ပြောဆိုထားပါတယ်။
လက်ရှိမှာတော့ တောင်တရုတ်ပင်လယ်မှာ တရုတ်နိုင်ငံရဲ့ နယ်မြေတောင်းဆိုမှု၊ စစ်ရေးလှုပ်ရှားမှု တိုးမြှင့်လာတာတွေနဲ့ ထိုင်ဝမ်အရေးတို့ကြောင့် ဒေသတွင်းမှာ တင်းမာမှုတွေ ဆက်လက်မြင့်တက်နေပါတယ်။
Ref:Reuters
Photo: Reuters
Credit - Myanmar International News
#သတင်းဟင်းလေးအိုးကြီး
