ထိုင်းအသင်းကို ကျဥ်းမြောင်းသည့်ရလဒ်ဖြင့် ရှုံးနိမ့်ခဲ့ရသည့် မြန်မာ့လက်ရွေးစင် အမျိုးသမီးဖူဆယ်အသင်း

၂၀၂၄ အာဆီယံ အမျိုးသမီးချန်ပီယံရှစ်ပြိုင်ပွဲတွင်ဝင်ရောက်ယှဥ်ပြိုင်လျက်ရှိသည့် မြန်မာ့လက်ရွေးစင် အမျိုးသမီးဖူဆယ်အသင်းသည် ကျဥ်းမြောင်းသည့်ရလဒ်ဖြင့် ထိုင်းအသင်းကိုရှုံးနိမ့်ခဲ့ရသည်။

မြန်မာ့လက်ရွေးစင် အမျိုးသမီးဖူဆယ်အသင်းနှင့် ထိုင်း အမျိုးသမီးဖူဆယ်အသင်းတို့သည် ယနေ့ နိုဝင်ဘာ ၁၈ ရက်ညနေ ၅ နာရီခွဲက ဖီလစ်ပိုင်နိုင်ငံရှိ Philsports Arena ၌ယှဥ်ပြိုင်ကစားခဲ့ကြခြင်းဖြစ်သည်။

ထိုသို့ ယှဥ်ပြိုင်ကစားခဲ့ကြရာ ပထမပိုင်းပွဲပြီး ဆုံးချိန်၌ မြန်မာ့လက်ရွေးစင် အမျိုးသမီးအ သင်းက ထိုင်းအသင်းတို့သည် ဂိုးမရှိရလဒ်ဖြစ်ခဲ့သော်လည်း ဒုတိယပိုင်းပွဲကစားပြီးချိန်တွင် မြန်မာ့လက်ရွေးစင် အမျိုးသမီးဖူဆယ်အသင်းသည် ထိုင်းအသင်းအား ၂ ဂိုး ၁ ဂိုးရလဒ်ဖြင့်ရှုံးနိမ့်ခဲ့ရသဖြင့် ဒုတိယမြောက်ရှုံးပွဲကြုံတွေ့ခဲ့ရသည်။

အဆိုပါ ပြိုင်ပွဲ၌ Player of The Match ဆုကို မြန်မာ့လက်ရွေးစင် အမျိုးသမီးဖူဆယ်အသင်း၏ ဂိုးသမား ချောစန္ဒီအောင် ကရရှိခဲ့ပြီး မြန်မာ့လက်ရွေးစင် အမျိုးသမီးဖူဆယ်အသင်းသည် မနက်ဖြန် နိုဝင်ဘာ ၁၉ ရက်တွင် အင်ဒိုနီးရှားအသင်းနှင့်ဆက်လက်ယှဥ်ပြိုင်ကစားရမည်ဖြစ်သည်။