မြန်မာစီးပွားရေးလုပ်ငန်းရှင်များနှင့် ၎င်းတို့၏ မိသားစုဝင်များအတွက် ဗီဇာသက်တမ်းငါးနှစ်ကို စိစစ်ခွင့်ပြုမည် ဖြစ်ကြောင်း တရုတ်သံရုံး ထုတ်ပြန်

နိုဝင်ဘာ ၁၈

မြန်မာနိုင်ငံစီးပွားရေးလုပ်ငန်းရှင်များနှင့် ၎င်းတို့၏မိသားစုဝင်များအတွက် ကြိမ်ဖန်များစွာဝင်ထွက်သွား လာနိုင်သော ဗီဇာသက်တမ်းငါးနှစ်ကို ယနေ့မှစပြီး စိစစ်ခွင့်ပြုသွားမည်ဖြစ်ကြောင်း မြန်မာနိုင်ငံဆိုင်ရာ တရုတ်နိုင်ငံသံရုံးမှ သိရသည်။

မြန်မာနိုင်ငံဆိုင်ရာ တရုတ်သံရုံးသည် လိုအပ်ချက်များနှင့် ကိုက်ညီသော မြန်မာနိုင်ငံ စီးပွားရေးကုန်သည်များ နှင့် အဆိုပါကုန်သည်များ၏ အိမ်ထောင်ဖက်များနှင့် သားသမီးများအား သက်တမ်းအကြာဆုံး ၅ နှစ် အတွင်း တရုတ်နိုင်ငံသို့ အကြိမ်များစွာ လာရောက်နိုင်သော (Multiple Entry) ဖြင့် အကြာဆုံး ရက်ပေါင်း ၁၈၀ အထိ နေထိုင်နိုင်သော သက်ဆိုင်ရာဗီဇာအမျိုးအစားများကို ၂၀၂၄ ခုနှစ် နိုဝင်ဘာလ ၁၈ ရက်နေ့မှ စတင်၍ ခွင့်ပြုပေးသွားမည်ဖြစ်ကြောင်း သိရသည်။

သက်ဆိုင်ရာဗီဇာကိစ္စနှင့် ပတ်သက်ပြီး ဖုန်းနံပါတ် ၀၉၈၉၄၈၅၃၁၈၈ နှင့် အီးမေးလ်: yangon@csm.mfa.gov.cn ကို ရုံးတက်ရက် နေ့လည် ၂ နာရီမှ ၆ နာရီအတွင်း ဆက်သွယ်မေးမြန်းနိုင် ကြောင်း သိရသည်။

တရုတ်နိုင်ငံတော်ကောင်စီ ဝန်ကြီးချုပ် Mr. Li Qiang သည် နိုဝင်ဘာလ ၇ ရက်နေ့တွင် ကူမင်းမြို့၌ မဟာမဲခေါင်ဒေသခွဲ (GMS) စီးပွားရေးပူးပေါင်းဆောင်ရွက်မှု ထိပ်သီးအစည်းအဝေးတွင် တရုတ်နိုင်ငံက မဲခေါင်မြစ်နိုင်ငံ ၅ နိုင်ငံအတွက် လန်ချန်း-မဲခေါင်ဗီဇာ ထုတ်ပေးရန် ဆုံးဖြတ်ခဲ့ပြီး အရည်အချင်းပြည့်မီသော စီးပွားရေးကုန်သည်များအား ၅ နှစ်အတွင်း တရုတ်နိုင်ငံသို့ အကြိမ်များစွာလာရောက်နိုင်သော (Multiple Entry) ဗီဇာခွင့်ပြုပေးသွားမည်ဖြစ်ကြောင်း ပြောကြားထားသည်။

#centralnewsnaypyitaw