နှစ်နိုင်ငံကုန်သွယ်မှုနှင့်စီးပွားဆက်ဆံမှုတိုးမြှင့်ရန် ရုရုားက အိန္ဒိယတွင် စီးပွားရေးစင်တာဖွင့်လှစ်
နိုဝင်ဘာ ၁၈
အိန္ဒိယနိုင်ငံရှိ ရုရှားသံရုံးက အိန္ဒိယတွင် ရုရှားစီးပွားရေးစင်တာတစ်ခုကို နိုဝင်ဘာ ၁၂ရက် မနက်ဖန်တွင် ဖွင့်လှစ်တော့မှာဖြစ်ပါတယ်။ အိန္ဒိယနိုင်ငံနှင့် နယူးဒေလီအခြေစိုက် ဆင်နာဂျီကော်ပိုရေးရှင်းတို့ရဲ့ ပူးပေါင်းဆောင်ရွက်မှုနှင့်ဖွင့်လှစ်တာပါ။
အိန္ဒိယနိုင်ငံတွင် ရုရှားစီးပွားရေးစင်တာတစ်ခုတည်ထောင်ရတာက အိန္ဒိယနှင့်ရုရှားအကြား စီးပွားရေး ဆက်ဆံမှု တိုးတက်ဖို့နှင့် နှစ်နိုင်ငံအကြား ပို့ကုန်တိုးမြှင့်ရေးအတွက်ဖြစ်တဲ့အပြင် နှစ်နိုင်ငံ စီးပွားရေး အသိုက်အဝန်းတွေအကြား အပြန်အလှန်ဆက်သွယ်နိုင်တဲ့ ပလက်ဖောင်းတစ်ခုအဖြစ်ဆောင်ရွက်ပေး ဖို့ ဖြစ်တယ်လို့ နယူးဒေလီအခြေစိုက် ရုရှားသံရုံးက သတင်းထုတ်ပြန်ပါတယ်။
အဆိုပါစင်တာတွင် အခန်းအနားများ၊ဒေသဆိုင်ရာ စီးပွားရေးမစ်ရှင်များ၊ ဖိုရမ်များ၊ အလုပ်ရုံဆွေးနွေး ပွဲများနှင့် ကွန်ဖရင့်များကျင်းပမည်ဖြစ်ပါတယ်။ အဲဒီအပြင်စင်တာက ကျွမ်းကျင်သူများကလည်း သက်ဆိုင်ရာ ကဏ္ဍအလိုက် လိုအပ်တဲ့အကြံဉာဏ်တွေပေးသွားမယ်လို့ ANI သတင်းအရသိရပါတယ်။
အိန္ဒိယနှင့်ရုရှားအကြား နှစ်နိုင်ငံဆက်ဆံရေးဟာ နှစ်ပေါင်း ၇၅နှစ်ကျော် ခိုင်မာတည်ငြိမ်နေဆဲဖြစ်တယ် လို့ ဆိုပါတယ်။ လွန်ခဲ့တဲ့ (၂)နှစ်အတွင်း နှစ်နိုင်ငံကုန်သွယ်ရေးဟာ သိသာတဲ့ပမာဏတစ်ခုသို့ရောက်ရှိ ခဲ့ပါတယ်။ ဒါဟာ ၂၀၂၅မှာ ရည်မှန်းထားတဲ့ ဒေါ်လာ ၃၀ ဘီလျံထက် များစွာကျော်လွန်တာဖြစ်ပါတယ်။
#centralnewsnaypyitaw
