ရန်ကုန် ပါရမီခုံးကျော်တံတားပေါ်တွင် ဘေးတွဲဆိုင်ကယ်ကို အိမ်စီးကားကဝင်တို-က်မိ ၂ ဦးဒဏ်ရာရ
ရန်ကုန်တိုင်း၊ ရန်ကင်းမြို့နယ်ရှိ ပါရမီခုံးကျော်တံတားပေါ်တွင် ဘေးတွဲဆိုင်ကယ်အား အိမ်စီးကားမှဝင်တို-က်မိခဲ့မှု ယနေ့ နိုဝင်ဘာ ၁၇ ရက်ည ၈ နာရီကျော်ခန့်ကဖြစ်ပွားခဲ့ကြောင်း Yangon Rescue Organization(YRO)ထံမှ သိရသည်။
ရန်ကင်းမြို့နယ်၊ ပါရမီလမ်းရှိ ပါရမီခုံးကျော်တံတားပေါ်တွင် ဘေးတွဲဆိုင်ကယ်တစ်စီးအား အိမ်စီးကားတစ်စီးမှဝင်တို-က်မိသဖြင့် ဘေးတွဲဆိုင်ကယ်မောင်းသူမှာ ခါးထိခိုက်မိကာ လိုက်ပါလာသည့် အမျိုးသမီးတစ်ဦးတွင်လည်း ပွန်းပဲ့ဒဏ်ရာများရရှိခဲ့ကြောင်း သိရသည်။
ထို့ကြောင့် Yangon Rescue Organization (YRO)၏အဖွဲ့ဝင်ဖြစ်သည့် ရတနာဖြိုးလူမှုကူညီကယ်ဆယ်ရေးအသင်း(သမိုင်း)၊ လူထဲကလူ လူမှုကူညီရေးအသင်း(ကျောက်ရေတွင်း)၊ မိုးစေတနာအသင်းနှင့် ရွှေရုပ်လွှာအသင်းတို့မှ ကူညီမှုများသွားရောက်ပြုလုပ်ခဲ့ကြသည်။
ဖြစ်စဥ်တွင် ထိခိုက်ဒဏ်ရာရသူနှစ်ဦးအား လူမှုကူညီရေးအသင်းဝင်များက မြေပြင်ကုသမှုများပြုလုပ်ပေးပြီးနောက် အထွေထွေရောဂါကု ဆေးရုံကြီး(မြောက်ဥက္ကလာပ)သို့ ရတနာဖြိုးလူမှုကူညီကယ်ဆယ်ရေးအသင်းကပို့ဆောင်ပေးခဲ့ကြောင်း သိရသည်။
