ဘယ်လောက်ချစ်ခဲ့မိသလဲဆိုတာ ကိုယ်ကိုယ်တိုင်ပဲ သိပါတယ် ။

သူ့ကိုချစ်တယ် ဆိုတဲ့ စကားရဲ့အနောက်မှာသာ ပမာဏတစ်ခုကို ပြလို့ရမယ်ဆိုရင် ပြလိုက်ချင်တယ် ဒါပေမယ့် သူတော့ မြင်အောင် ကြည့်တတ်လိမ့်မယ်လို့ မထင်ဘူး ။

ကိုယ်ဘယ်လောက်ထိ ချစ်ခဲ့မိလဲဆိုတာ ကိုယ်ကိုယ်ကိုယ်တိုင်ပဲ သိပါတယ် အနာဂတ်တွေအထိ မက်ထားတဲ့ အိပ်မက်တွေက လက်ဆုတ်လက်ကိုင်ပြလို့မရတဲ့ သက်သေတွေပေါ့ ဒါပေမယ့် သေချာတာတစ်ခုက ဘဝတစ်ခုလုံးနဲ့ရင်းပြီး ချစ်ခဲ့မိတာပါ ။

ဒါလုပ်ရင် သူမကြိုက်ဘူးထင်တယ်ဆိုပြီး ကိုယ်နှစ်သက်တဲ့အရာတွေကို စွန့်လွှတ်ခဲ့တာမှ အများကြီးပဲ သူနဲ့ တစ်နေ့နီးကြရင်ဆိုပြီး ကိုယ် ပြုပြင်ပေးခဲ့တာတွေလဲ အများကြီးပါပဲ

သူများတွေလို မပြောပြတတ်ခဲ့လို့ပါ တစ်နေ့ကျရင်ဆိုပြီး မက်ခဲ့ရတဲ့ အိပ်မက်တွေမှ အများကြီးပေါ့ ပေးဆပ်တယ်လို့ ခေါင်းစဥ်မတပ်ခဲ့သလို တစ်ခါတစ်လေမှာ ကိုယ်အဆင်မပြေတဲ်ကြားက သူ အဆင်ပြေပါစေတော့ဆိုပြီး မရှိရှိတဲ့ကြားက ဖြည့်ဆည်းပေးခဲ့တာတွေလဲ အများကြီးပဲ

ကိုယ်သူ့ကိုချစ်ခဲ့တယ်ဆိုတာ ရယူလိုခြင်းနဲ့မှ မဟုတ်ပဲလေ ဒါပေမယ့် တစ်နေ့နေ့ကျရင်ဆိုပြီးတော့မှတော့ အိပ်မက်တွေ မက်ထားခဲ့မိတော့ ဝန်ခံပါတယ်
ဘယ်လိုချစ်တာဆိုပြီး စကားလုံးအနုအရွတွေနဲ့ ချွဲ့ချွဲ့နွဲ့နွဲ့ချစ်မပြတတ်ခဲ့ရုံပါ လက်တွေ့ကျကျတော့ မင်းကို ချစ်ပြခဲ့ပါတယ် ပြီးတော့ ဘယ်လောက်ချစ်ခဲ့မိလဲဆိုတာ ကိုယ်ကိုယ်တိုင်ပဲ သိပါတယ်။

#ကျေးကို

ဗဟုသုတတွေ နဲ့ အချစ်ကဗျာဖတ်နိူင်ဖို့ အောက်က 👇👇 Group ကို Join ပေးကြပါ

https://www.facebook.com/share..../g/192YzpMzPx/?mibex

https://www.facebook.com/share..../g/15YrLCc8Ci/?mibex