ဘီလီယံနဲ့ချီတဲ့ Chrome Browser မှတ်တမ်းတွေကို ဖျက်ပေးဖို့ သဘောတူညီခဲ့တဲ့ Google
User တွေရဲ့ အချက်အလက်အချို့ကို Google မှ Browser Private Mode ကတဆင့် လျှို့ဝှက်မှတ်တမ်းယူထားတယ်လို့ စွပ်စွဲခံထားရတဲ့ တရားစွဲဆိုမှုတစ်ခုအတွက် ဖြေရှင်းချက်တစ်ခုအနေနဲ့ Google ဘက်က ဘီလီယံနဲ့ချီတဲ့ Chrome Browser ပေါင်းများစွာကို ဖျက်ဆီးပေးဖို့ သဘောတူညီခဲ့ပါတယ်။
ဒီကိစ္စမှာတော့ User တွေရဲ့ ရှာဖွေလေ့ရှိတဲ့ နေ့စဥ်လိုအပ်တဲ့ ကိစ္စတွေအပြင် အတွင်းကျတဲ့ ကိစွတွေ၊ Privacy Case တွေလိုမျိုးတွေကိုပါ Google ဘက်က မှတ်တမ်းယူနိုင်တယ်ဆိုပြီး တရားလိုတွေက စွပ်စွဲထားတာပဲဖြစ်ပါတယ်။
ဒီတရားစွဲဆိုမှုကတော့ အခုမှထဖြစ်တာ မဟုတ်ပါဘူး၊၂၀၂၀ ဇွန်လတည်းက စတင်တရားစွဲဆိုခံခဲ့ရတာပဲဖြစ်ပါတယ်။ Chrome Browser မှာရှိတဲ့ Incognito private browsing mode ကနေ User တွေရဲ့ အချက်အလက်တွေကို လျှို့ဝှက်သိမ်းယူပြီး အလွဲသုံးစားပြုလုပ်တယ်လို့ Google ကို တရားစွဲဆိုခဲ့ကြတာပါ။
User အများစုဟာဆိုရင် မိိမိ Chrome Browser တွေကို Incognito Mode ၊Private Browsing တို့ကို ပြောင်းသုံးရင် ကိုယ်သုံးစွဲထားတဲ့ မှတ်တမ်းတွေဟာ Safe ဖြစ်ပြီး ဘယ်သူမှ မသိနိုင်တော့ဘူးလို့ ယူဆကြတဲ့အတွက်လည်း ဒီကိစ္စဟာ အတော်လေးကို အုတ်အော်သောင်းနင်း ဖြစ်သွားခဲ့တာပါ။
Google ကနေ ပြီးခဲ့တဲ့နှစ်တည်းက ဒီအမှုကို တစစနဲ့ ဖြေရှင်းခဲ့ရာမှ ၂၀၂၄ ဧပြီ (၁) ရက်၊ တနင်္လာနေ့မှာတော့ ဘီလီယံနဲ့ချီတဲ့ Chrome Browser ပေါင်းများစွာကို ဖျက်ဆီးပေးမည်ဆိုတဲ့ အမှုကျေအေးပေးမယ့် သဘောတူညီခကြျကျို ဆန်ဖရန်စစ္စကိုရှိ ဖယ်ဒရယ်တရားရုံးမှာ တင်သွင်းခဲ့တဲ့ တရားဝင်စာရွက်စာတမ်းများမှ သိရပါတယ်။
ဒီအမှုအတွက် တရားလိုရှေ့နေတွေက နစ်နာကြေး ဒေါ်လာ ၇ ဒဿမ ၈ ဘီလီယံအထိ တောင်းခံထားပေမဲ့ Google ဘက်က နစ်နာကြေးပေးသွားမှာ မဟုတ်ဘူးလို့ ပြောထားပါတယ်။ ဒါပေမဲ့ User တစ်ယောက်ချင်းစီအနေနဲ့ကတော့ နစ်နာကြေးရဖို့ ထပ်ပြီး တရားစွဲနိုင်ဦးမှာပါ။
ဒီလိုကိစ္စတွေဖြစ်ပြီးနောက်မှာတော့ Google အနေနဲ့ Browser Search Engine အပိုင်းနဲ့ပတ်သတ်ပြီး အပြောင်းအလဲတွေကို စတင်အကောင်အထည်ဖော်နေပြီဖြစ်ကြောင်းနဲ့ Privacy ပိုင်း ပိုမိုစိတ်ချစေဖို့အတွက် Third Party Cookies တွေကို ပိတ်သွားမယ်လို့ ထုတ်ပြန်ခဲ့ပါတယ်။
