အိတ်ဖွင့်တင်ဒါနဲ့ခေါ်ပါလား ပွင့်လင်းမြင်သာရှိတာပေါ့
စပွန်ဆာကောင်းကောင်းရှိပါက ယခုထက်ကောင်းအောင် ဖန်တီးနိုင်မည်ဟု လမင်းကဗျာ ပြောဆိုလာ
လက်ရှိတွင် စပွန်ဆာကောင်းကောင်းသာရှိမည်ဆိုပါက ယခုထက်ကောင်းသည့် ဖန်တီးမှုများကို ပရိသတ်ထံ ချပြနိုင်မည်ဖြစ်ကြောင်း DJ လောကအတွင်း လုပ်ကိုင်နေသည့် သရုပ်ဆောင် လမင်းကဗျာ (DJ Moon) က မီဒီယာများနှင့် အင်တာဗျူးရာ၌ ပြောကြားသည်။
“အခုချိန်ထိ MTV လေး ရိုက်တယ်၊ ကုမ္ပဏီတွေဆီက စပွန်ဆာ တစ်ခါမှမတောင်းရသေးဘူး၊ တကယ်လို့ ကုမ္ပဏီဘက်က စပွန်ဆာချပေးမယ်ဆိုရင် ဒီထက်ကောင်းတာတွေကို ရိုက်ပြချင်တယ်၊ အခုက ကိုယ်ရဲ့ ဘတ်ဂျက်လေးနဲ့ ကိုယ်ရှာတဲ့ ငွေလေးနဲ့ လုပ်ရတာဆိုတော့ တချို့အရာလေးတွေကျတော့ ချုံ့လိုက်ရတာမျိုးလေးတွေရှိတယ်၊ ကင်မရာနှစ်လုံး ငှားရမယ့်နေရာမှာ တစ်လုံးပဲ ငှားလိုက်တာမျိုးလေးတွေပေါ့နော်၊ နောက်ပိုင်း ကိုယ့်သီချင်းလေးတွေကို လူစိတ်ဝင်စားမှုများလာပြီဆိုရင် ကုမ္ပဏီတွေဆီက စပွန်ဆာလေးတွေကိုတော့ လိုက်ကြည့်ရမှာပေါ့နော်၊ အဲအခါကျရင်တော့ ဒီထက် Quality ကောင်းအောင် အများကြီးကြိုးစားရိုက်ဖို့ရှိတယ်” ဟုလည်း သရုပ်ဆောင် လမင်းကဗျာ (Dj Moon) မှ ပြောကြားသည်။
ဆက်လက်၍လည်း ပြန်ဆိုတေးများဖြင့် စီစဉ်နေလျက်ရှိပြီး “ဘီလူးခေါင်းလေးနဲ့ မင်းသားလေး” ဟု အမည်ရသည့် တေးသီချင်းကို ပြန်ဆိုတေးလုပ်ရန်ရှိနေကြာင်း၊ ယင်းသီချင်းနှင့်ပတ်သက်သည့် တေးရေးဆရာနှင့် မူလတေးဆိုတို့ထံမှ ခွင့်ပြုချက်တောင်းခံထားကြောင်း သိရသည်။
“သူများသီချင်း ပြန်ဆိုတာကျတော့ Cover မဟုတ်ဘူးလေ၊ ပြန်ဆိုတေးလို့ခေါ်တယ်၊ Cover ဆိုတာကျတော့ သီချင်းတစ်ပုဒ်ကို မဝယ်ဘဲနဲ့ ဂစ်တာလေးတီးပြီး ပြန်ဆိုတာ၊ ဆိုချင်သလို ဆိုလို့ရတယ်၊ ကိုယ်တွေဆိုတာကျတော့ ပြန်ဆိုတေးလို့ ခေါ်တာပေါ့နော်၊ အဲတာကိုရှုပ်နေကြလို့၊ ပြန်ဆိုတေးဆိုတာ တရားဝင် တေးရေးဆရာဆီက ဝယ်ရတယ်၊ ဝယ်ပြီးတော့မှ သီချင်းကို ပြန်လည်ပြင်လိုက်တာပေါ့၊ ပြင်ပြီးတော့မှ ပြန်ဆိုကြတာကို ပြန်ဆိုတေးလို့ခေါ်တာပါ၊ ပြန်ဆိုတေးတွေကတော့ တောက်လျှောက်ဆိုဖြစ်မှာပါ” ဟုလည်း ၎င်းက ဆက်လက်ပြောကြားသည်။
ရန်ကုန်၊ ထက်ရှိန်
Credit ပဥ္စသိင်္ခ
