နယူးကာဆယ်ကြယ်ပွင့်ကို ပေါင်သန်း ၁၀၀ နဲ့ ကမ်းလှမ်းဖို့ ပြင်နေတဲ့ ပရီးမီးယားလိဂ်ထိပ်သီး ၂ သင်း
____________________
အာဆင်နယ်နဲ့ တော့တင်ဟမ်ဟော့စပါးတို့ဟာ နယူးကာဆယ်တိုက်စစ်မှူး အလက်ဇန်းဒါး အီဆက်ခ်ကို ပေါင်သန်း ၁၀၀ နဲ့ လာမယ့်နွေရာသီမှာ ခေါ်ယူဖို့အတွက် စီစဉ်နေတယ်လို့ သိရပါတယ်။
အက်ဒီ ဟောင်းဟာ ဆွီဒင် တိုက်စစ်မှူးက ရောင်းချမယ့်သူမဟုတ်ဘူးလို့ ပြောဆိုထားပေမယ့်လည်း မြောက်လန်ဒန်ကလပ် ၂ သင်းစလုံးက နယူးကာဆယ်ယူနိုက်တက်ရဲ့ ဘဏ္ဍာရေးအခြေအနေကို အခွင့်ကောင်းယူနိုင်မယ်လို့ မျှော်လင့်နေတာဖြစ်ပါတယ်။
နယူးကဆယ်အလုပ်အမှုဆောင်ချုပ် ဒါရင်း အီးဂဲလ်စ်က အသင်းအနေနဲ့ PSR မငြိအောင် အသင်းကစားသမားအချို့ကို ရောင်းထုတ်ရနိုင်တယ်လို့ ဝန်ခံ ပြောဆိုခဲ့တာဖြစ်ပြီး အီဆက်ခ်ဟာ ဒီရာသီ ပရီးမီးယားလိဂ် ၂၁ ပွဲမှာ ၁၄ ဂိုး သွင်းယူထားတာ ဖြစ်ပါတယ်။
အသက် ၂၄ နှစ်အရွယ်တိုက်စစ်မှူးဟာ အထောင်တိုက်စစ်မှူးအဖြစ် အဓိကအသုံးပြုခြင်းခံခဲ့ရပေမယ့်လည်း တောင်ပံတိုက်စစ်အဖြစ်လည်း ကစားနိုင်သူဖြစ်ပြီး ၂၀၂၈ ခုနှစ်အထိ နယူးကာဆယ်နဲ့ စာချုပ်သက်တမ်းကျန်ရှိနေသေးတာဖြစ်ပါတယ်။
လွန်ခဲ့တဲ့ ၂ နှစ်က ရီးရဲလ်ဆိုစီဒက်ကနေ ပေါင်သန်း ၆၀ နဲ့ ပြောင်းရွှေ့လာပြီးကတည်းက အီဆက်ခ်ဟာ နယူးကာဆယ်အတွက် ၅၈ ပွဲမှာ သွင်းဂိုး ၂၈ ဂိုးနဲ့ ဂိုးဖန်တီးမှု ၄ ကြိမ် ပြုလုပ်ပေးထားတာဖြစ်ပြီး မြောက်လန်ဒန်ပြိုင်ဘက်တွေဖြစ်တဲ့ အာဆင်နယ်နဲ့ စပါးစ်တို့က လက်ရှိမှာတော့ ဆွီဒင်တိုက်စစ်မှူးအတွက် ရာသီကုန်မှာ တိုက်ပွဲဝင်သွားကြတော့မှာဖြစ်ပါတယ်။
#goal 4U
#လေးစားစွာဖြင့်creditပေးပါသည် 🙏🙏🙏
