မော်လမြိုင်ဆီဆိုင်မီးလောင်မှု ၁ ဦး သေဆုံး၊ ၂၀ ကျော်ဒဏ်ရာရ
နိုဝင်ဘာ ၈၊ ရန်ကုန်။
မော်လမြိုင်မြို့ ရိုးဂိုးကျေးရွာ မှာရှိတဲ့ မင်းသန့် စက်သုံးဆီဆိုင် မီးလောင်ပေါက်ကွဲမှု ဖြစ်ခဲ့လို့ လူ ၁ ဦးသေဆုံးပြီး လူ ၂၂ ဦးဒဏ်ရာရခဲ့တယ်လို့ မီးငြှိမ်းသတ်ရာမှာ ပါဝင်ခဲ့သူ တစ်ဦးက ပြောပါတယ်။
နိုဝင်ဘာ ၇ ရက်နေ့ ညနေပိုင်း ၆ နာရီ ၂၀ လောက်က စက်သုံးဆီတင်လာတဲ့ ဆီကားကနေ ဆီသိုလှောင်ကန်ထဲကို ဆီထည့်ရာကနေ မီးစလောင်ခဲ့ပြီး မီးငြှိမ်းသတ်ချိန်မှာ ထပ်မံပေါက်ကွဲမှု ဖြစ်ခဲ့တာလို့လည်း ပြောပါတယ်။
“ဒဏ်ရာရထားတဲ့ ဆီတွဲကား ယာဥ်မောင်းက မနက် ၅ နာရီမှာ ဆုံးသွားတယ်။ ဆိုင်ပိုင်ရှင် ၁ ဦးနဲ့ လူမှုကယ်ဆယ်ရေးအဖွဲ့ဝင် ၂ ဦးက စိုးရိမ်ရတဲ့အခြေအနေမှာရှိတယ်” လို့ မီးငြှိမ်း သတ်ရာမှာ ပါဝင်ခဲ့တဲ့ လူမှုကူညီရေးအဖွဲ့ဝင်တစ်ဦးက ပြောပါတယ်။
ဒဏ်ရာရခဲ့သူတွေထဲမှာ မီးသတ်တပ်ဖွဲ့ဝင် (၉) ဦး၊ ဆီဆိုင်ပိုင်ရှင် ၁ ဦးနဲ့ လူမှုကယ်ဆယ်ရေးအဖွဲ့ဝင် ၁၂ ဦး ပါဝင်ခဲ့တယ်လို့ ပြောပါတယ်။ လက်ရှိအချိန်မှာ ဒဏ်ရာရသူတွေကို မော်လမြိုင်မြို့ ပြည်သူ့ဆေးရုံကြီးမှာ ဆေးကုသနေတယ်လို့လည်း မြို့ခံ လူမှုကူညီရေးအသင်းတွေ ပြောပါတယ်။
မင်းသန့် စက်သုံးဆီဆိုင် မီးလောင်မှုကို ၂ နာရီကျော်ကြအောင် မီးငြိမ်းသတ်ခဲ့ရတယ်လို့လည်း မြန်မာနိုင်ငံမီးသတ်အဖွဲ့ချုပ်က ထုတ်ပြန်ထားပါတယ်။
Credit - BBC
#သတင်းဟင်းလေးအိုးကြီး
