Trump အစိုးရအဖွဲ့ အိမ်ဖြူတော်အရာရှိချုပ်အဖြစ် Susie Wiles ကို အမည်တင်သွင်း
အမေရိကန်သမိုင်းမှာတော့ ပထမဦးဆုံး အမျိုးသမီး အိမ်ဖြူတော်အရာရှိချုပ်ဖြစ်လာ

နိုဝင်ဘာ ၈၊ နိုင်ငံတကာ။

ရွေးချယ်ခံသမ္မတ Donald Trump က သူရဲ့ မဲဆွယ်စည်ရုံးရေးအဖွဲ့ မန်နေဂျာ Susie Wiles ကို သမ္မတအိမ်ဖြူတော် အရာရှိချုပ်အဖြစ် ခန့်အပ်မယ်လို့ ကြေညာလိုက်ပါတယ်။ ဒါဟာ လာမယ့် ဇန်နဝါရီ ၂၀ရက်နေ့ ဖွဲ့မယ့် သူ့အစိုးရအဖွဲ့ဝင် တာဝန်ရှိသူတဦးကို ပထမဦးဆုံး ထုတ်ပြန် ကြေညာလိုက်တာပါ။

Susie Wiles ဟာ Trump ရွေးကောက်ပွဲ အောင်နိုင်မှုမှာ အဓိကကျတဲ့ ထိပ်တန်းနေရာ တာဝန်ယူခဲ့သူပါ။ ဒါ့အပြင် အမေရိကန်သမိုင်းမှာတော့ ပထမဦးဆုံး အမျိုးသမီး အိမ်ဖြူတော်အရာရှိချုပ်လည်း ဖြစ်လာပါမယ်။

အမေရိကန်သမိုင်းမှာ အကြီးဆုံး နိုင်ငံရေးအောင်နိုင်မှု တခုအဖြစ် Susie Wiles ဟာ သူ့ကို ကူညီခဲ့သလို၊ ၂၀၁၆ ခုနှစ်နဲ့ ၂၀၂၀ ရွေးကောက်ပွဲ မဲဆွယ်စည်းရုံးရေးတွေကိုလည်း အောင်မြင်အောင် စွမ်းဆောင်ခဲ့သူဖြစ်တယ်လို့ Donald Trump က ချီးကျူးပါတယ်။

Wiles ဟာ ဖလော်ရီဒါမှာ အခြေစိုက်နေထိုင်ပြီး၊ အတော်ကြာကာလကတည်းက ရီပတ်ပလစ်ကန်ပါတီရဲ့ နိုင်ငံရေး မဟာဗျူဟာ ရေးဆွဲသူအဖြစ် သိထားကြတာပါ။

အိမ်ဖြူတော်အရာရှိချုပ်နေရာဟာ သမ္မတရုံးတခုလုံးမှာ တာဝန်အကြီးဆုံးဖြစ်ပြီး၊ သမ္မတဆီကို တိုက်ရိုက် ပေါက်မြောက်တဲ့ နေရာဖြစ်ပါတယ်။ အိမ်ဖြူတော်ဝန်ထမ်းတွေကို စီမံတာ၊ သမ္မတရဲ့ နေ့စဉ် အလုပ်အချိန်ဇယားကို စီမံဆောင်ရွက်တာ၊ အစိုးရဌာနတွေ လွှတ်တော်အမတ်တွေနဲ့ အိမ်ဖြူတော်ကိုယ်စား ထိစပ် လုပ်ကိုင်ရတဲ့ နေရာလည်း ဖြစ်ပါတယ်။

📷 မဲဆွယ်စည်ရုံးရေဖွဲ့ မန်နေဂျာ Susie Wiles နဲ့ ရွေးချယ်ခံသမ္မတ Donald Trumpတို့အား အတူတွေ့ရစဉ် (နိုဝင်ဘာ ၆၊ ၂၀၂၄)

Source - VOA

#centralnewsnaypyitaw