ပါကစ္စတန်၌ လေထုညစ်ညမ်း၍ လူ ၉၀၀ ကျော်ဆေးရုံတင်ခဲ့ရ

လာဟိုး၊နိုဝင်ဘာ ၇

ပါကစ္စတန်နိုင်ငံ၌ လေထုညစ်ညမ်းမှုကြောင့် လူအယောက် ၉၀၀ ကျော်ဆေးရုံတင်ထားရကြောင်းသိရပြီး အလုပ်သမားဝန်ထမ်းများကိုလည်း အိမ်၌သာနေစေပြီး ကျောင်းပိတ်ရက်ကို ထပ်မံတိုးမြှင့်ထားသည်ဟုသိရသည်။

လာဟိုးပြည်နယ် ဝါရင့်ဝန်ကြီးတစ်ဦးကမူ “အခုက တကယ်အရေးကြီးတဲ့အခြေအနေဖြစ်နေပါတယ်” ဟုပြောကြားခဲ့ပြီး ပြည်နယ်တွင်းမှ ဒေသလေးခုကို အကြီးမားဆုံးထိခိုက်နိုင်ပြီး လူ သန်း ၇၀ ကျော်ထိခိုက်နိုင်သည်ဟုလည်းပြောကြားခဲ့သည်။

နိုင်ငံ၏ ဒုတိယအကြီးဆုံးမြို့ဖြစ်သကဲ့သို့ လူပေါင်း ၁၃ သန်းခန့်နေထိုင်သည့် လာဟိုးပြည်နယ်၏လေထုအခြေအနေသည် လေထုညွှန်းကိန်း ၁,၀၀၀ အထက်ရှိနေပြီး အလွန်ဆိုးရွားသည့်အခြေအနေဖြစ်သည်ဟုဆိုသည်။

လေထုညွှန်းကိန်း ၃၀၁ ထက်ကျော်လျှင်ပင် မျက်လုံး ကို ပြင်းထန်စွာ ကျိန်းစပ်စေပြီး လည်ချောင်းနာကို ပြင်းထန်စွာခံရစေသည်။ ထို့အပြင် အဆုတ်နှင့်နှလုံးအတွက် ဆိုးရွားစေသည့်အခြေအနေမျိုးဖြစ်ရာ ယခုပါကစ္စတန်၏လေထုညွှန်းကိန်းမှာ တစ်ထောင် အထက်ဖြစ်သဖြင့် အလွန်ဆိုးရွားနေသည်ဟုဆိုနိုင်သည်။

အင်္ဂါနေ့၌ လေထုညစ်ညမ်းမှုကြောင့် အသက်ရှူလမ်းကြောင်းဆိုင်ရာရောဂါဖြင့် ဆေးရုံတင်ရသူ အယောက် ၉၀၀ ကျော်အထိရှိခဲ့ပြီး ထိုလူများထဲတွင် မပါချင်ပါက အိမ်တွင်း၌သာနေပါဟုလည်း ပြည်နယ် ဝါရင့် ဝန်ကြီးကပြောကြားခဲ့သည်။

မဖြစ်အနေအပြင်ထွက်ရပါက ပြည်သူများအနေဖြင့် နှာခေါင်းစည်းတပ်ဆင်ခြင်းကနု လာမည့်ဇန်နဝါရီအထိပြုလုပ်ကြရန်တိုက်တွန်းထားပြီး ကျောင်းများကိုလည်း နိုဝင်ဘာ ၁၇ ရက်အထိပိတ်ထားမည်ဖြစ်ကာ အွန်လိုင်းမှသာသင်ယူလေ့လာကြရန်လည်းညွှန်ကြားထားသည်ဟုသိရသည်။