မြန်မာသင်္ကြန် ယူနက်စကို ဒြပ်မဲ့ယဥ်ကျေးမှု ဆန်ခါတင် စာရင်းထဲပါဝင်လာ

နိုဝင်ဘာ ၇၊ ရန်ကုန်။

မြန်မာ့ရိုးရာ အတာသင်္ကြန်ဟာ ယူနက်စကို ရဲ့ ဒြပ်မဲ့ယဥ်ကျေးမှုအမွေအနှစ် (Intangible Cultural Heritage) ဆန်ခါတင် စာရင်းထဲ ပါဝင်လာပါတယ်။

၂၀၂၃ ခုနှစ်၊ မတ်လမှာ မြန်မာ့ရိုးရာသင်္ကြန်ကို ဒြပ်မဲ့ယဥ်ကျေးမှု အမွေအနှစ်စာရင်းဖြစ်ဖို့ စစ်ကောင်စီ သာသနာရေးနှင့် ယဉ်ကျေးမှုဝန်ကြီးဌာန လက်အောက်က ရှေးဟောင်းသုတေသနနဲ့ အမျိုးသားပြတိုက်ဦးစီးဌာနကနေ ယူနက်စကိုကို လျှောက်ထားခဲ့တာပါ။

သင်္ကြန်ပွဲတော်လို ရေကစားပွဲတော်တွေကို မြန်မာအပြင် အိမ်နီးချင်း ထိုင်း၊ လာအိုနဲ့ ကမ္ဘောဒီးယားနိုင်ငံတို့မှာလည်း ဧပြီလအတွင်းမှာ ကျင်းပလာကြတာဖြစ်ပြီး ထိုင်းရဲ့ ဆုန်ကရန်ပွဲကတော့ ICH စာရင်းမှာ ၂၀၂၃ ခုနှစ် နှစ်ကုန်ပိုင်းကတည်းက ပါဝင်ပြီးဖြစ်ပါတယ်။

“ယူနက်စကို စာရင်းတင်တာတော့ သူက ကိုယ့်ထက် စောသွားတာပေါ့။ ဒါကိုတင်တော့ လူအများပို သိလာမယ်။ စိတ်ဝင်စား လာမယ်။ အဲဒါတွေက ကျွန်မတို့နိုင်ငံမှာအခုချိန်ထိ မအောင်မြင်သေးဘူး။ သူတို့ အရင်တင်လို့တော့ သူတို့ပိုင်သွားတယ်ဆိုတာမျိုး မဟုတ်ပါဘူး” လို့ ရှေးဟောင်း‌အမွေအနှစ်ထိန်းသိမ်းရေးပညာရှင် ဒေါ်ဥမ္မာမျိုးက ၂၀၂၃ ခုနှစ်အစောပိုင်းတုန်းက ဘီဘီစီနဲ့ပြုလုပ်တဲ့အင်တာဗျူးမှာ ဖြေထားပါတယ်။

ဒြပ်မဲ့ယဥ်ကျေးမှုအမွေအနှစ်တစ်ခု ဖြစ်လာမလားဆိုတဲ့အဖြေကိုတော့ ၂၀၂၄ ခုနှစ်၊ဒီဇင်ဘာ ၂ ရက်ကနေ ၇ ရက်အထိ ပါရာကွေးနိုင်ငံမှာ ကျင်းပမယ့် ယူနက်စကို ICH ကော်မတီအစည်းအဝေးအပြီးမှာ သိနိုင်မှာဖြစ်ပါတယ်။

မနှစ်က ဆုန်ကရန်ရေ ကစားပွဲတော်ကို နိုင်ငံရဲ့ ICH အဖြစ် အသိအမှတ်ပြုခံခဲ့ရတဲ့ ထိုင်းနိုင်ငံကတော့ ဒီနှစ်မှာလည်း ပုစွန်တုန့်ယန်းဟင်းချိုနဲ့ ဇကာတင်စာရင်းထဲမှာပါဝင်နေပါတယ်။

Credit - BBC

#သတင်းဟင်းလေးအိုးကြီး