ထရမ့်က သတ်မှတ် မဲအရေအတွက်ထက် ကျော်လွန်ပြီး အနိုင်ရ
နိုဝင်ဘာ ၆၊ နိုင်ငံတကာ။
အမေရိကန်တွင် နိုဝင်ဘာ ၅ ရက်က ပြုလုပ်ခဲ့သည့် သမ္မတရွေးကောက်ပွဲ၌ ရီပတ်ဘလစ်ကန် ကိုယ်စားလှယ် လောင်း ဒေါ်နယ်ထရမ့် (Donald Trump) က ဒီမိုကရက်တစ် ကိုယ်စားလှယ်လောင်း ကာမယ်လာဟားရစ် (Kamala Harris) ကို အနိုင်ရရှိသွားခဲ့ကြောင်း ဘီဘီစီမှ ဖော်ပြခဲ့သည်။
သမ္မတဟောင်း ထရမ့်သည် ရွေးကောက်ပွဲအနိုင်ရရန် လိုအပ်သည့် ကိုယ်စားလှယ်မဲ ၂၇၀ ထက် ကျော်လွန်ပြီး ၂၇၉ မဲရရှိခဲ့သည်။
ဒုသမ္မတ ဟားရစ်သည် ကိုယ်စားလှယ်မဲ ၂၂၃ မဲသာ ရရှိခဲ့သည်ဟု မြန်မာစံတော်ချိန် ည ၇ နာရီခွဲအထိ ရရှိထား သည့် ရလဒ်များအရ သိရသည်။
တစ်နိုင်ငံလုံး အတိုင်းအတာနှင့် ပြည်သူများပေးသည့် မဲအရေအတွက်အရ ထရမ့်သည် မဲ ၇၁ သန်းကျော် ရရှိခဲ့ပြီး ဟားရစ်သည် ၆၆ သန်းကျော်သာ ရရှိခဲ့သည်။
ရာခိုင်နှုန်းအရ ထရမ့်သည် မဲ ၅၁ ရာခိုင်နှုန်း ရရှိထားပြီး ဟားရစ်သည် ၄၇ ဒဿမ ၄ ရာခိုင်နှုန်း ရရှိထားသည်ဟု နောက်ဆုံးရ သတင်းများတွင် ဖော်ပြထားသည်။
Source: BBC
#centralnewsnaypyitaw
