မီးတောင်ပေါက်ကွဲ၍အင်ဒိုနီးရှားလေဆိပ်လေးခုယာယီပိတ်ထားရ
ဂျကာတာ၊နိုဝင်ဘာ ၄
အင်ဒိုနီးရှားနိုင်ငံအရှေ့ဘက်ရှိ နူဆာတန်ဂါရာပြည်နယ်မှ လီဝိုတိုဘီမီးတောင်ပေါက်ကွဲမှုကြောင့် လူ ၁၀ ဦးထက်မနည်းေ-သဆုံးခဲ့ပြီး လေဆိပ်လေးခုကိုလည်း ယာယီပိတ်ခဲ့ရကြောင်းသိရှိရသည်။
မီးတောင်ပေါက်ကွဲမှုကြောင့် လဘူအန်ဘာဂျိုရှိ ကိုမိုဒိုအပြည်ပြည်ဆိုင်ရာလေဆိပ်မှ လေယာဉ်ခရီးစဉ် ၁၄ ခုကိုလည်း မီးတောင်ပြာကြောင့်ဖျက်သိမ်းခဲ့ရသော်လည်း လေဆိပ်ကိုဖွင့်ထားဆဲဖြစ်သည်ဟုသိရသည်။
ေ-သဆုံးသူ ၁၀ ဦးတွင် ရုပ်အလောင်း ၉ လောင်းကိုသာ ပြန်လည်ရရှိထားပြီး ကျန်တစ်ဦးမှာ ပျောက်ဆုံးနေဆဲဖြစ်ကာ အပျက်အစီးများအောက်နစ်မြုပ်နေမည်ကို လည်းစိုးရိမ်နေကြသည်။
အာဏာပိုင်များသည် မီးတောင်ပေါက်ကွဲမှုဒဏ်ခံခဲ့ရသော ကျေးရွာ ၁၄ ရွာမှ မိသားစု ၂,၇၃၅ စု၊လူဦးရေ ၁၀,၂၉၅ ဦးကို ဘေးလွတ်ရာသို့ ရွှေ့ပြောင်းပေးခဲ့ကြဟုသိရသည်။
လီဝိုတိုဘီတောင်၏ မီးတောင်ပေါက်ကွဲမှုသတိပေးချက်အခြေအနေကို အဆင့် ၃ မှ အမြင့်ဆုံးအခြေအနေဖြစ်သည့် အဆင့် ၄ သို့မြှင့်တင်ထားပြီး အာဏာပိုင်များက မီးတောင်ပေါက်ကွဲရာနေရာ၏ ခုနစ်ကီလိုမီတာပတ်လည်အတွင်း သွားလာခြင်းကို ရှောင်ရှားကြရန်လည်းသတိပေးထားသည်။
