KIA က ကျောက်စိမ်းတူးရန်အတွက် ဖားကန့်မြို့နယ် ကုဋေမှော်ကျေးရွာရှိ ဘုန်းကြီးကျောင်းကို ရွှေ့ပြောင်းရန် ဖိအားပေးနေ
နေပြည်တော်၊ နိုဝင်ဘာ ၅
ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာအုပ်စု၊ ကုဋေမှော်ကျေးရွာရှိ ဘုန်းကြီးကျောင်းကို KIA က ကျောက်စိမ်းတူးရန်အတွက် ရွှေ့ပြောင်းပေးရန် ဖိအားပေးနေကြောင်း သိရသည်။
ကုဋေမှော်ကျေးရွာရှိ ဘုန်းကြီးကျောင်းသည် (၄)ဧကကျော် (၅)ဧက နီးပါး ကျယ်ဝန်းပြီး မူလွန်စာသင် ကျောင်းနှင့် သာသနာ့အဆောက်အဦး အများအပြား ရှိကြောင်း သိရသည်။
အဆိုပါ ဘုန်းကြီးကျောင်းမြေနေရာကို ရွှေ့ပေးရန်အတွက် ကျောက်တူးသည့် ကုမ္ပဏီတစ်ခုဖြစ်သည့် နေမင်းကမ္ဘာကုမ္ပဏီက KIA နှင့် ပူးပေါင်းကာ ငွေကြေးပေးမည်ဟုဆိုပြီး ဖိအားပေးနေခြင်းဖြစ်ကြောင်း ဒေသခံများ၏ ပြောပြချက်အရ သိရသည်။
အလားတူ KIA အနေဖြင့် မိုးညှင်းမြို့နယ်၊ မမုန်ကိုင်ကျေးရွာအနီးရှိ ငါးဦးစီးဌာနလမ်းဘေး အင်းတော်ကြီးဘေး ကပ်လျက်တွင် ရွှေများ အလွန်အကျွံတူးဖော်နေကြောင်း ဒေသခံများက သတင်းပေးပို့လာသည်။
#centralnewsnaypyitaw
