တာချီလိတ်မှာ စိတ်ကြွရူးသွပ်ဆေးပြား (၄) သန်းကျော်နဲ့ အိုက်စ် ၂၀၂ ကီလို ဖမ်းဆီးရမိ
နိုဝင်ဘာ ၅
တာချီလိတ်မြို့နယ်၊ လွယ်တော်ခမ်းကျေးရွာအုပ်စု၊ ရေပူစမ်းကျေးရွာမှာ ရှိတဲ့ နေအိမ် (၁)လုံးအတွင်းကနေ ရောင်းဝယ်ပြုလုပ်ဖို့ သိုဝှက်ထားတဲ့ စိတ်ကြွရူးသွပ်ဆေးပြား (၄)သန်းကျော်၊ အိုက်စ် (မက်သ်အဖက်တမင်း) ၂၀၂ ကီလိုတို့ကို ဖမ်းဆီးရမိခဲ့တယ်လို့ CCDAC Myanmar က ပြောပါတယ်။
ဒါအပြင် အနံ့မှုန့် Vanillin ၇၅ ကီလို၊ အနံ့ ဆေးရည် ၃၆၀ လီတာ နဲ့ ISUZU D -MAX မော်တော်ယာဉ် တစ်စီးတို့ကို လည်း တရားခံ (၂)ဦးနဲ့ အတူ ဖမ်းဆီးရမိခဲ့သေးတယ်လို့ သိရပါတယ်။
အဲ့ဒီ စိတ်ကြွရူးသွပ်ဆေးပြားတွေကို တာချီလိတ် နယ်စပ်မှာ အရောင်းအဝယ်ပြုလုပ်ဖို့အတွက် သိုဝှက်သိမ်း ဆည်းထားတာ ဖြစ်တယ်လို့ ဖမ်းဆီးရမိသူတွေရဲ့ ထွက်ဆိုချက်အရ သိရပါတယ်။
ဖမ်းဆီးရမိသူ (၂)ဉီးကိုတော့ မူးယစ်ဆေးဝါးနဲ့ စိတ်ကိုပြောင်းလဲစေတဲ့ ဆေးဝါးများဆိုင်ရာ ဉပဒေအရ အရေးယူ ထားပြီး သိမ်းဆည်းရမိတဲ့ ပိုင်ဆိုင်မှုတွေကို ပြည်သူ့ဘဏ္ဏာ အဖြစ် သိမ်းဆည်းနိုင်ရေးဆောင်ရွက်နေတယ်လို့ သိရပါတယ်။
Credit - MCNA
#သတင်းဟင်းလေးအိုးကြီး
