ရှုံးပွဲတွေ များလာတဲ့ မြန်မာ ဖိုက်တာများ
**********
ONE Championship က ပြိုင်ပွဲ တစ်ခုတည်းမှာ မြန်မာ ဖိုက်တာ 5 ယောက်ထိ တစ်ပြိုင်နက် ပွဲထုတ်လိုက်တဲ့ ONE Friday Fights 76 ပြိုင်ပွဲ နောက်ပိုင်းက စလို့ ၊ ရလာဒ်တွေ တဖြေးဖြေး ယိမ်းယိုင်လာတာ သတိထားကြည့်ဖို့ ကောင်းပါတယ်။
အဲဒီလို တစ်ပြိုင်နက် ပွဲထုတ်ခဲ့တဲ့ မြန်မာ ဖိုက်တာ 5 ယောက် ကို ကြည့်လိုက်မယ် ဆိုရင် ရှုံးပွဲ ကြုံခဲ့တဲ့ စောစံမြှား နဲ့ ထွန်းမင်းနိုင် တို့က ONE Friday Fights စင်မြင့်ထက်ကိုတောင် နောက်တစ်ကြိမ် တက်လှမ်းလာခြင်း မရှိပါဘူး။
စောစံမြှား ကတော့ ဘဝနေထိုင်မှု အကျပ်တည်းတွေကြောင့် ဖိုက်တာဘဝကနေ အနားယူပြီလို့တောင် ကြေငြာထားပါတယ်။
ထွန်းမင်းနိုင်ကလဲ Regional ပွဲတွေမှာ ဝင်ထိုးရင်း ၊ Lumpinee Stadium ခါးပတ်လုပွဲ ကမ်းလှမ်းခံလိုက်ရတော့ လွယ်လွယ်နဲ့ ပြန်လာဖို့ အစီစဉ် မရှိသေးပါဘူး။
ONE Friday Fights ကန့်လန့်ကာ အဖွင့်မှာ ဘောနပ်ဆုတွေနဲ့ ဖွင့်လှစ် နိုင်ခဲ့တဲ့ အဲမွီ ၊ သွေးလင်းထက် တို့ဟာ ဒုတိယမြောက်ပွဲတွေမှာတော့ ဒိုင်အဆုံးဖြတ်တွေနဲ့ အသီးသီး ရှုံးပါတယ်။
အဲမွီ က ပထမပွဲကထက် ဝိတ်ချပြီး ဖလိုင်းဝိတ်တန်း ကစားကြည့်ပေမယ့် ၊ သူ ဖြစ်ချင်တဲ့အတိုင်း လုပ်ပြနိုင်ခြင်း မရှိပါဘူး။
မနေ့ညက သွေးလင်းထက် ကတော့ ရစ်သမ်မိဖို့တောင် တော်တော် ရုန်းကန်ခဲ့လိုက်ရပါတယ်။ ဂမ်ချိုင်းကို Knockdown တွေ အကြိမ်ကြိမ်ရအောင် ထိုးပြခဲ့တဲ့ စတောဝိတ်တန်း ဖိုက်တာလေးဟာ ဒီပွဲမှာတော့ သူ့ရဲ့ ပုံစံကောင်း ပြသနိုင်ခြင်း မရှိပါဘူး။
ပွင့်ပွင့်လင်းလင်းပြောရရင် ပြိုင်ဘက်ရဲ့ ရန်လိုတဲ့ စတိုင်နဲ့ ကန်ချက် အားပြုတဲ့ ပုံစံကို တုန့်ပြန်ဖို့ အဖြေမတွေ့ခဲ့ပါဘူး။
အဲဒီတော့ ONE Friday Fights စင်မြင့်ထက်မှာ ဆိုရင် 1 ပွဲ နဲ့ အထက် ထိုးထားတဲ့ ဖိုက်တာတွေထဲမှာ ရှုံးပွဲ မရှိသေးတာ ဆိုလို့ မိုးထက်အောင်ပဲ ကျန်တော့ပါတယ်။
ကိုယ့်ဖိုက်တာတွေ တော်တော်များများ ရှုံးပွဲ ဆက်လာကြချိန်မှာ ဘာလိုအပ်ချက်တွေ ရှိနေတာလဲ ဆိုတာ လေးလေးနက်နက် စဉ်းစားကြဖို့ လိုလာပါတယ်။ ပြိုင်ဘက်တွေကလဲ လက်ဝှေ့က လာတဲ့ ဖိုက်တာတွေ မာကျောမှန်းသိလို့ ၊ ဘယ်လို ကစားရမယ် ဆိုတာလဲ သဘောပေါက်နေကြပါပြီ။
မွေထိုင်း သမားတွေက အနားကပ်လို့ မရအောင် ခြေကန်ချက်တွေနဲ့ အားပြု ကစားပါတယ်။ ပြီးတော့ အိမ်စာတွေလဲ ကောင်းကောင်းလုပ်ထားတာ သိသာပါတယ်။
မြန်မာဖိုက်တာတွေ ONE Championship စင်မြင့်ထက်မှာ ရလာဒ်ပြန်ကောင်းဖို့ အတွက် ဘယ်အပိုင်းတွေ အဓိကထား ပြင်ဆင်ကြရမလဲ ?
ဘယ်အပိုင်းတွေမှာ လိုအပ်ချက်တွေ အားနည်းချက်တွေ ရှိနေတာလဲ ?
ကိုယ့်ရဲ့ အားသာချက်တွေကို ဘယ်လို အသုံးချသင့်သလဲ?
ဒီ မှတ်တမ်းတွေက လက်ဝှေ့လောက က ဖိုက်တာတွေ ပိုပြီး တိုးတက်ကောင်းမွန်လာဖို့ တွန်းအား စိန်ခေါ်မှုတွေလို့ မှတ်ယူထားပါတယ်။
𝐎𝐍𝐄 𝐅𝐫𝐢𝐝𝐚𝐲 𝐅𝐢𝐠𝐡𝐭𝐬 𝟕𝟔
ကော်ပိုင် 𝐯𝐬. ထွန်းမင်းနိုင် (ရှုံး)
စောစံမြှား 𝐯𝐬. မာဆာတိုရှီ (ရှုံး)
အဲမွီ 𝐯𝐬. ရီတို (နိုင်)
ဂမ်ချိုင်း 𝐯𝐬. သွေးလင်းထက် (နိုင်)
တိုင်ဆော်ဂျော် 𝐯𝐬. သန့်ဇင် (နိုင်)
𝐎𝐍𝐄 𝐅𝐫𝐢𝐝𝐚𝐲 𝐅𝐢𝐠𝐡𝐭𝐬 𝟕𝟕
စုထင် 𝐯𝐬. စူပါရေချမ်း (ရှုံး)
𝐎𝐍𝐄 𝟏𝟔𝟖
အောင်လအန်ဆန်း 𝐯𝐬. အာဒိုဂန် (ရှုံး)
𝐎𝐍𝐄 𝐅𝐫𝐢𝐝𝐚𝐲 𝐅𝐢𝐠𝐡𝐭𝐬 𝟖𝟎
သွေးသစ် 𝐯𝐬. မာလွန်ဘက်ခ် (ရှုံး)
𝐎𝐍𝐄 𝐅𝐫𝐢𝐝𝐚𝐲 𝐅𝐢𝐠𝐡𝐭𝐬 𝟖𝟏
သန့်ဇင် 𝐯𝐬. တာကေးရု (ရှုံး)
စိုးလင်းဦး 𝐯𝐬. နာဘီးလ် (ရှုံး)
𝐎𝐍𝐄 𝐅𝐫𝐢𝐝𝐚𝐲 𝐅𝐢𝐠𝐡𝐭𝐬 𝟖𝟒
အဲမွီ 𝐯𝐬. အူမာကင်တက် (ရှုံး)
ဆွန်ရက် 𝐯𝐬. ယုကီ (နိုင်)
𝐎𝐍𝐄 𝐅𝐫𝐢𝐝𝐚𝐲 𝐅𝐢𝐠𝐡𝐭𝐬 𝟖𝟓
ဘရာဇီး 𝐯𝐬. သွေးလင်းထက် (ရှုံး)

Credit to Myanmar Sports