ဖွဲ့စည်းပုံနှင့်ဖက်ဒရယ်အရေး NSPNC၊ EAOs၊ ပါတီများ အိန္ဒိယခရီးစဉ် စတင်
နိုဝင်ဘာ ၄၊ နေပြည်တော်။
ဖွဲ့စည်းပုံအခြေခံဥပဒေနှင့် ဖက်ဒရယ်စနစ်ဆိုင်ရာ ဆွေးနွေးပွဲကို တက်ရောက်ရန်အတွက် တိုင်းရင်းသား လက် နက်ကိုင်များ(EAOs)၊ အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်ရေးညှိနှိုင်းရေးကော်မတီ (NSPNC)၊ နိုင်ငံရေးပါတီများနှင့် ငြိမ်းချမ်းရေးအကျိုးပြုအဖွဲ့အစည်းများမှ ကိုယ်စားလှယ်များသည် ၂၀၂၄ ခုနှစ်၊ နိုဝင်ဘာ ၄ ရက်နေ့တွင် အိန္ဒိယခရီးစဉ်ကို စတင်ခဲ့ကြသည်။
အဆိုပါ ခရီးစဉ်တွင် နိုင်ငံရေးပါတီ (၁၀)ပါတီ၊ NSPNC မှ ဥက္ကဌ ဒုတိယဗိုလ်ချုပ်ကြီးထွန်းထွန်းနောင်၊ အတွင်းရေး မှူး ဒုတိယဗိုလ်ချုပ်ကြီးမင်းနိုင်၊ CPR မှ ဦးလှမောင်ရွှေနှင့် ဦးကျော်လင်းဦး၊ NCA ထိုးထားသည့် EAOs ၆ ဖွဲ့မှ ကိုယ်စားလှယ်များ ပါဝင်ကြသည်။
အိန္ဒိယနိုင်ငံတွင် ဖွဲ့စည်းပုံအခြေခံဥပဒေနှင့်ဖက်ဒရယ်စနစ်ဆိုင်ရာ ဆွေးနွေးပွဲကို ၅ ရက်မှ ၆ ရက်နေ့အထိ ပြုလုပ် မည်ဖြစ်ပြီး ၇ ရက်နေ့မှာ ခရီးစဉ်ပြီးဆုံးမည်ဖြစ်သည်။
မြန်မာနိုင်ငံတွင် ဖက်ဒရယ်နှင့် ဒီမိုကရေစီစနစ်ကို အခြေခံသည့် ပြည်ထောင်စုကို တည်ဆောက်ရန် ကြိုးပမ်းနေ ကြသည်။
ပုံ - ၂၀၂၄ ခုနှစ်၊ နိုဝင်ဘာ ၄ ရက်နေ့က အိန္ဒိယခရီးစဉ်ကို သွားရောက်မည့် ကိုယ်စားလှယ်များကို တွေ့ရစဉ် (ဓာတ်ပုံ- ပြည်သူ့ပါတီ)
Credit - Central News Independece
#သတင်းဟင်းလေးအိုးကြီး
