တရုတ်နိုင်ငံရဲ့ ဖိတ်ကြားချက်နဲ့ နစက ဥက္ကဋ္ဌ တရုတ်သို့ သွားမည်
နိုဝင်ဘာ ၄
တရုတ်နိုင်ငံ၊ ကူမင်းမြို့မှာ ကျင်းပပြုလုပ်မယ့် ထိပ်သီးအစည်းအဝေးပွဲတွေကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်မယ်လို့ သိရပါတယ်။
“နိုင်ငံတော် စီမံအုပ်ချုပ်ရေး ကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် တရုတ်ပြည်သူ့သမ္မတနိုင်ငံရဲ့ ဖိတ်ကြားချက်အရ မကြာမီ ရက်ပိုင်းအတွင် တရုတ် ပြည်သူ့သမ္မတ နိုင်ငံကို သွားရောက်မှာ ဖြစ်ပါတယ်”လို့ နစက သတင်းမှန်ပြန်ကြားရေးက ထုတ်ပြန်အသိပေးလာပါတယ်။
နစက ဥက္ကဋ္ဌဟာ (၈)အကြိမ်မြောက် မဟာမဲခေါင်ဒေသခွဲ ထိပ်သီးအစည်းအဝေး၊ (၁၀)ကြိမ်မြောက် ဧရာ၀တီ - ကျောက်ဖရား - မဲခေါင် စီးပွားရေးပူးပေါင်းဆောင်ရွက်မှု မဟာဗျူဟာ ထိပ်သီး အစည်းအဝေးနဲ့ (၁၁) ကြိမ်မြောက် ကမ္ဘောဒီးယား - လာအို - မြန်မာ - ဗီယက်နမ် ပူးပေါင်းဆောင်ရွက်မှု ထိပ်သီးအစည်းအဝေးတွေကို တက်ရောက်မှာ သိရပါတယ်။
အဲ့ဒီ ခရီးစဉ်မှာ တရုတ် ပြည်သူ့ သမ္မတနိုင်ငံ အစိုးရအဖွဲ့နဲ့ တွေ့ဆုံပြီး နှစ်နိုင်ငံ စီးပွားရေးနဲ့ ကဏ္ဏပေါင်းစုံ ပူးပေါင်းဆောင်မှုတွေကိုလည်း ဆွေးနွေးသွားမယ်လို့ သိရပါတယ်။
ဒါအပြင် လာမယ့် နိုဝင်ဘာ ၆ ရက်ကနေ ၇ ရက်မှာပြုလုပ်မယ့် မဟာမဲခေါင်ဒေသခွဲထိပ်သီးအစည်းအဝေး၊ ဧရာဝတီ - ကျောက်ဖရား - မဲခေါင် စီးပွားရေးပူးပေါင်းဆောင်ရွက်မှုမဟာဗျူဟာအစည်းအဝေး နဲ့ ကမ္ဘောဒီးယား - လာအို - မြန်မာ - ဗီယက်နမ် ပူးပေါင်းဆောင်ရွက်မှုအစည်းအဝေးတွေကို တက်ရောက်မယ်လို့ဆိုပါတယ်။
ဗိုလ်ချုပ်မှူးကြီးမင်အောင်လှိုင်ရဲ့ တရုတ်ခရီးစဉ်ဟာ နိုဝင်ဘာ ၅ ရက်မှာ စတင်မှာဖြစ်ပြီး ငါးရက်ကြာမယ်လို့ စုံစမ်းသိရှိရပါတယ်။
အစည်းအဝေးကာလအတွင်းမှာ တရုတ်ဝန်ကြီးချုပ်လီချန်းနဲ့တွေ့ရှိနိုင်တယ်လို့ နိုင်ငံရေးအသိုင်းအဝိုင်းတွေကတဆင့် သိရပါတယ်။
၂၀၂၁ အာဏာထိမ်းပြီးနောက် ပထမဆုံးအကြမ်အဖြစ် တရုတ်နိုင်ငံသို့ သွားရောက်တာလည်း ဖြစ်ပါတယ်။
ပုံစာ - တရုတ်သမ္မတနှင့် ဗိုလ်ချုပ်မှူးကြီးမင်းအောင်လှိုင်တို့ ၂၀၁၉ ခုနှစ်က တွေ့ဆုံစဥ်
#centralnewsnaypyitaw
