(၆၉ )နှစ်မြောက် ကရင်ပြည်နယ်နေ့ ဒုံးအကပြိုင်ပွဲ ဝင်ရောက်ယှဉ်ပြိုင်မည့် ဒုံးယိမ်းအဖွဲ့ လေ့ကျင့်ပြင်ဆင်
ယခု နိုဝင်ဘာ (၇) ရက်တွင်ကျရောက်မည့် (၆၉ )နှစ်မြောက် ကရင်ပြည်နယ်နေ့တွင် ဒုံးအကပြိုင်ပွဲ ဝင်ရောက်ယှဥ်ပြိုင်မည့် ဒုံးယိမ်းအဖွဲ့များ လေ့ကျင့်ပြင်ဆင်နေပြီဖြစ်ကြောင်း သိရသည်။
ယနေ့ နိုဝင်ဘာ (၃) ရက်တွင် လှိုင်းဘွဲ့ ၊ ပိုင်ကျုံဒုံးအသင်းတို့ ဘားအံမြို့ သီရိကွင်း ဒုံးစင်၌ လေ့ကျင့်ပြင်ဆင်ခဲ့ကြကြောင်း သိရသည်။
"မနက်ရော ညရော ရှိတယ်ဗျ။ တစ်ရက်ကို (၄/၅)ဖွဲ့လောက် လာပြီးလေ့ကျင့်ကြတယ်။ ပြိုင်ပွဲဝင် ဒုံးအသင်း ဘယ်နှစ်သင်းရှိလဲဆိုတာတော့ ကျွန်တော်မသိဘူး"ဟု ဒေသခံတစ်ဦးက ပြောသည်။
နှစ်စဉ် နိုဝင်ဘာ (၇)ရက်ကို ကရင်ပြည်နယ်နေ့အဖြစ် သတ်မှတ်ထားပြီး အဆိုပါ ပွဲတော်တွင် ဒုံးယိမ်းပြိုင်ပွဲများ၊ ရိုးရာလက်ဝှေ့ပြိုင်ပွဲများနှင့် ပျော်ပွဲရွှင်ပွဲများထည့်သွင်းကျင်းပကြကြောင်း သိရသည်။
