ဂျွန်ဝစ်ခ်ဖက်ရှင်နဲ့ ဟော်လိုဝင်းပွဲ ဆင်နွှဲခဲ့တဲ့ မတ်ခ်ဇူကာဘတ်
_____________________
ဘရာဇီးဂျူဂျစ်ဆု ကျွမ်းတဲ့ Meta သူဌေးက John Wick ကို ကြိတ်အားကျနေလား မသိပါဘူး။
မတ်ခ်ဇူကာဘတ်က ဒီနှစ် ဟော်လိုဝင်းပွဲကို နာမည်ကျော် အက်ရှင်ရှပ်ရှင်John Wick ဇာတ်ကားထဲက ကီနူးရိဗ်စတိုင် ဝတ်ဆင်ခဲ့ပြီး သူ့ဖက်ရှင်ကို Facebook ပေါ် တင်ခဲ့လို့ပါ။ ဇူကာဘတ်ရဲ့ ဇနီးသည် ပရစ်ဆီလာ ချန်နဲ့ ကလေးတွေကတော့ ရောင်စုံဘဲလေးဝတ်စုံတွေနဲ့ ဟော်လိုဝင်းပွဲ ဆင်နွှဲခဲ့ပါတယ်။
"မင်းအိမ်က မိန်းကလေးတွေအားလုံး ဘဲလေးအကမယ်လုပ်ဖို့ ဆုံးဖြတ်ထားရင် ဂျွန်ဝစ်ခ်(John Wick) ဖြစ်ရမယ်" ဆိုပြီး ဇူကာဘတ်က ဟောလိုဝင်းနေ့ သူ့ရဲ့ Facebook ပေါ်မှာ ခပ်နောက်နောက် ရေးတင်ထားပါတယ်။
ဇူကာဘတ်ခ်ရဲ့ ပို့စ်က (အခုစာရေးချိန်အထိ) react ပေးသူ 435K ၊ comment ပေးသူ 46.3K နဲ့ share 19K အထိ ရှိထားပါတယ်။ စက်တင်ဘာ ၂၆ ပရိုဖိုင်သစ် change ပြီးနောက်ပိုင်း ဇူကာဘတ်ရဲ့ လူစိတ်ဝင်စားအခံရဆုံး ပို့စ်လို့ ဆိုရမှာပါ။
comment တွေထဲမှာတော့ ထုံးစံအတိုင်း ဇူကာဘတ်လုပ်သမျှ ဟုတ်ပါ့ဆိုတဲ့သူတွေ ၊ ဟဟပေးပြီး ဟီးလာတိုက်မယ့်သူတွေနဲ့ ပွဲဆူနေကြတာပါ။ ဇူကာဘတ်ဟာ ပြီးခဲ့တဲ့နှစ်ကလည်း Harry Potter ရုပ်ရှင်ထဲက Hogwarts မှော်ကျောင်းအုပ်ကြီး အဲဘတ်စ် ဒမ်ဘယ်ဒိုးပုံစံ ဝတ်ဆင်ပြီး ဟော်လိုဝင်းကို ဆင်နွှဲခဲ့ပါတယ်။
ဘာပဲဖြစ်ဖြစ် နည်းပညာသူဌေးတွေထဲမှာ တစ်နှစ်ထက်တစ်နှစ် ဟောလိုဝင်းဖက်ရှင် အဆန်းထွင်နိုင်တဲ့ ဇူကာဘတ်စိတ်ကူးကတော့ ချီးကျူးရမှာပါပဲ။
Credit - Duwun
#သတင်းဟင်းလေးအိုးကြီး
