မန်ယူ နည်းပြသစ် ခန့်ပြီ
မန်ချက်စတာယူနိုက်တက်အသင်းဟာ အဲရစ်တန်ဟတ်ကိုထုတ်ပယ်ပြီး ရက်ပိုင်းအတွင်းမှာပဲ စပို့တင်းလစ္စဘွန်းနည်းပြ ရူဘန်အမိုရင် ကို ခန့်အပ်လိုက်ပါတယ်။
စပို့တင်းလစ္စဘွန်း နဲ့အတူ ထွန်းတောက်လာတဲ့ ပေါ်တူဂီသားကို ယူနိုက်တက်က ၂၀၂၇ ခုနှစ်အထိ စာချုပ်ချုပ်ဆိုလိုက်တာပါ။
ရူဘန်အမိုရင်ဟာ နိုဝင်ဘာ ၁၁ ရက်မှ အိုးထရက်ဖို့ဒ်ကို ရောက်လာမှာဖြစ်လို့ ယာယီနည်းပြ နစ္စတယ်ရွိုင်းကပဲ ကြားပွဲတွေကို ဆက်လက်ကိုင်တွယ်သွားမှာ ဖြစ်ပါတယ်။
ရူဘန်အမိုရင်ဟာ ဥရောပဘောလုံးလောကရဲ့ စိတ်လှုပ်ရှားစရာအကောင်းဆုံးနဲ့ စွမ်းဆောင်ရည်အမြင့်ဆုံးနည်းပြတွေထဲက တစ်ယောက်လို့ မန်ချက်စတာယူနိုက်တက်က တရားဝင်ထုတ်ပြန်ပါတယ်။
ဘောလုံးဝါသနာအိုးတွေကတော့ ၂၀၁၈ ခုနှစ်ကမှ နည်းပြလောကထဲစတင်ဝင်ရောက်လာတဲ့ အမိုရင် ဟာ အစဉ်အလာနဲ့ စိန်ခေါ်မှုကြီးမားတဲ့ မန်ချက်စတာယူနိုက်တက်ကို အရင်လိုအောင်မြင်မှုတွေရအောင်လုပ်ပေးနိုင်ဖို့ စိန်ခေါ်မှုကြီးမားလွန်းတယ် လို့ မှတ်ချက်ပြုနေကြပါပြီ။
ဘီဘီစီပရိသတ်အမြင်ကရော ဘယ်လိုရှိပါသလဲ။ မှတ်ချက်မှာဝင်ရောက်ဆွေးနွေးဖို့ ဖိတ်ခေါ်ပါရစေ။
ဓာတ်ပုံ - Getty Images
Credit - BBC
#သတင်းဟင်းလေးအိုးကြီး
