အာဆီယံမစ်ဆူဘီရှီဖလားပြိုင်ပွဲအတွက် အဓိကကစားသမားအချို့လွဲချော်မည့် အင်ဒိုနီးရှားလက်ရွေးစင်ဘောလုံးအသင်း
ပြည်ပလိဂ်များတွင်သွားရောက်ကစားနေသည့် ကစားသမားများပြားနေသော အင်ဒိုနီးရှားလက်ရွေးစင်ဘောလုံးအသင်း၏ အဓိကကစားသမားအချို့သည် အာဆီယံ မစ်ဆူဘီရှီဖလားပြိုင်ပွဲနှင့်လွဲချော်နိုင်မည်ဖြစ်သည်။
အင်ဒိုနီးရှားလက်ရွေးစင်ဘောလုံးအသင်း၏ အဓိကကစားသမား(၁၆)ဦးသည် ပြည်ပလိဂ်များတွင်သွားရောက်ကစားနေခြင်းဖြစ်ကာ သက်ဆိုငိရာကလပ်အသင်းများက ၎င်းတို့အား အာဆီယံ မစ်ဆူဘီရှီဖလားပြိုင်ပွဲအား ဝင်ရောက်ယှဥ်ပြိုင်ခွင့်ပြုသွားနိုင်မည်မဟုတ်ဘဲ အချို့ ကစားသမားအနည်းငယ်သာ ဝင်ရောက်ယှဥ်ပြိုင်ရန် စေလွှတ်ခံရဖွယ်ရှိနေသည်။
အင်ဒိုနီးရှားလက်ရွေးစင်ဘောလုံးအသင်းသည် လာမည့် ဒီဇင်ဘာ ၉ ရက်တွင် အာဆီယံ မစ်ဆူဘီရှီဖလားပြိုင်ပွဲ၏ ပထမဆုံးပွဲစဥ်အဖြစ် ရန်ကုန်မြို့ရှိ သုဝဏ္ဏအားကစားကွင်း၌ မြန်မာ့လက်ရွေးစင်ဘောလုံးအသင်းနှင့် ယှဥ်ပြိုင်ကစားရမည်ဖြစ်ကာ အာဆီယံ မစ်ဆူဘီရှီဖလားပြိုင်ပွဲသည် ဖီဖာနိုင်ငံတကာရက်သတ္တပတ်အတွင်း ကျင်းပမည့်ပြိုင်ပွဲမဟုတ်ပေ။
